ବେଙ୍ଗାଲୁରୁର ବ୍ୟାନରଘାଟା ଜାତୀୟ ଉଦ୍ୟାନରେ ଏକ ବାଘ ସଫାରୀ ଟାଣିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ଦେଖିବାକୁ ମିଳିଛି, ସଫାରୀରେ କିଛି ଲୋକ ବସିଛନ୍ତି। ଜଙ୍ଗଲ ମଧ୍ୟରୁ ହଠାତ୍ ବାଘଟି ପଛପଟୁ ଆସି କାର୍ ଟାଣିବାରେ ଲାଗୁଛି। ପରେ ଯାହା ଘଟିଲା ଦେଖିଲେ ଲୋମ ଟାଙ୍କୁରି ଉଠିବ।
୭ ମିନିଟ୍ର ଏହି ଭିଡିଓରେ ଆପଣ ଦେଖିବେ କିପରି ବାଘଟିଏ କାର୍କୁ ପଛରୁ ଟାଣି ନେଉଛି। କିଛି ଲୋକ ମଧ୍ୟ ଏହି କାର୍ରେ ବସିଛନ୍ତି। ବାଘଟି କାରକୁ ଟାଣିବା ପାଇଁ ଏତେ ଶକ୍ତି ପ୍ରୟୋଗ କରୁଛି ଯେ, କାର୍ର ପଛ ଭାଗ ମଧ୍ୟ ନଷ୍ଟ ହୋଇଯାଇଛି। ଏହି ସମୟରେ ବୁଦା ଭିତରେ ଲୁଚି ରହିଥିବା ଆଉ ଏକ ବାଘ ଏହିପରି ଶିକାରକୁ ଦେଖି ସେ ମଧ୍ୟ ଗାଡ଼ି ନିକଟକୁ ଚାଲି ଆସୁଛି।
ଭିଡିଓଟିକୁ ସୋସିଆଲ ମିଡିଆରେ ମୋନା ପଟେଲ ନାମକ ଜଣେ ଉପଭୋକ୍ତା ଶେୟାର କରିଛନ୍ତି। ଭିଡିଓରେ ବାଘଟି କାରକୁ ବାରମ୍ବାର ଟାଣୁଥିବା ନଜର ଆସିଛି। ସେ ନିଜର ସମସ୍ତ ଶକ୍ତି ପ୍ରୟୋଗ କରି ଗାଡ଼ିକୁ ପଛକୁ ଟାଣି ନେଉଛି। ଗାଡି ମଧ୍ୟ ଦ୍ରୁତ ଗତିରେ ପଛକୁ ଟାଣି ହୋଇଯାଉଛି। ଭିଡିଓଟିକୁ ଦେଖି ୟୁଜରମାନେ ନାନା ପ୍ରତିକ୍ରିୟା ଦେଇଛନ୍ତି। କେହି କେହି ଭୟଭୀତ ମଧ୍ୟ ହୋଇଯାଇଥିବା କହିଛନ୍ତି।