ପ୍ରେମ ଏପରି ଏକ ଅନୁଭବ, ଯେଉଁଠି ପ୍ରେମୀଯୁଗଳ ଅନ୍ୟ କୌଣସି ବିଷୟରେ ଚିନ୍ତା କରନ୍ତି ନାହିଁ। ସେମାନେ ସବୁବେଳେ ଏକାଠି ସମୟ ବିତାଇବାକୁ ଚାହିଁଥାନ୍ତି। ତାହା ପୁଣି ଜନଗହଳିଠୁ ଦୂରରେ। ପ୍ରେମର ଏହି ଅନୁଭବକୁ ସ୍ବତନ୍ତ୍ର କରିବା ପାଇଁ ଅନେକ ବ୍ୟବସ୍ଥା କରାଯାଏ। ନିଜ ସାଥୀଙ୍କୁ ସ୍ବତନ୍ତ୍ର ଅନୁଭବ କରିବା ପାଇଁ ଅନେକ ପ୍ରକାରର ଆଶ୍ଚର୍ଯ୍ୟକର କାର୍ଯ୍ୟ ବି କରିବାକୁ ପସନ୍ଦ କରିଥାନ୍ତି। ଯଦି ଏପରି କେହି ସ୍ବତନ୍ତ୍ର ଅନୁଭବ ଚାହୁଁଛନ୍ତି, ତେବେ ନାସା ଆପଣଙ୍କ ପାଇଁ ଏକ ବିଶେଷ ସୁଯୋଗ ଆଣୁଛି।
ନାସା ଅନୁଯାୟୀ, ଏପର୍ଯ୍ୟନ୍ତ ମହାକାଶରେ କେହି ସମ୍ପର୍କ ସ୍ଥାପନ କରିନାହାନ୍ତି। ଯଦି ସାଥୀଙ୍କ ସହିତ ମହାକାଶରେ ସମ୍ପର୍କ ଗଢ଼ିବାକୁ ଚାହୁଁଛନ୍ତି ତେବେ ଏଥିପାଇଁ ବୁକିଂ ଶୀଘ୍ର ଆରମ୍ଭ ହେବାକୁ ଯାଉଛି। ଏହାର ନାମ ୬୮ ମାଇଲ ହାଇ କ୍ଲବ। ମହାକାଶ ପର୍ଯ୍ୟଟକମାନେ ଏହାର ଅଂଶ ହୋଇ ମହାକାଶରେ ନିଜ ସାଥୀଙ୍କ ସହ ରୋମାନ୍ସ କରିପାରିବେ। ଏସବୁ କରିବା ପାଇଁ ଆପଣଙ୍କୁ ଅଧିକ ସମୟ ଅପେକ୍ଷା କରିବାକୁ ମଧ୍ୟ ପଡ଼ିବ ନାହିଁ। ନାସାର ଯୋଜନା ଅନୁଯାୟୀ, ଚଳିତ ବର୍ଷ ଶେଷ ସୁଦ୍ଧା ମହାକାଶରେ ନିଜ ସାଥୀଙ୍କ ସହ ରୋମାନ୍ସ କରିବାରେ ସମର୍ଥ ହୋଇପାରିବେ।
ନାସାର ପୂର୍ବତନ ମହାକାଶଚାରୀ ଜୋସେ ଫର୍ନାଡିଜ୍ କହିଛନ୍ତି ଯେ, ଚଳିତ ବର୍ଷ ବାଣିଜି୍ୟକ ବିମାନ ଆରମ୍ଭ ହେବା ମାତ୍ରେ ମହାକାଶ ପର୍ଯ୍ୟଟକଙ୍କୁ ରୋମାନ୍ସ କରିବାକୁ କେହି ରୋକି ପାରିବେ ନାହିଁ। ଏହା ବେଆଇନ କିମ୍ବା ଅସମ୍ଭବ ହେବ ନାହିଁ। ତେବେ ଏପର୍ଯ୍ୟନ୍ତ କେହି ତାହା କରିନାହାନ୍ତି। ଏପରି ପରିସ୍ଥିତିରେ ଏହା କିପରି ଘଟିବ ତାହା ପୂର୍ବାନୁମାନ କରାଯାଇପାରିବ ନାହିଁ।
ନାସାର ଏହି ବାଣିଜି୍ୟକ ବିମାନର ଟିକେଟ ମୂଲ୍ୟ ଆଶ୍ଚର୍ଯ୍ୟ କରିପାରେ। ଯଦି ଆପଣ ମହାକାଶରେ ଏହି ସୁଯୋଗର ଲାଭ ଉଠାଇବାକୁ ଚାହୁଁଛନ୍ତି, ତେବେ ଆପଣଙ୍କୁ ୩ କୋଟି ୭୫ ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡ଼ିବ। ଏହା ଗୋଟିଏ ଟିକେଟର ମୂଲ୍ୟ। ଦୁଇଜଣଙ୍କ ପାଇଁ ଦୁଇଗୁଣ ଅର୍ଥ ବ୍ୟୟ କରିବାକୁ ପଡ଼ିବ।