ଅଜୟ ଦେବଗନଙ୍କୁ ବଲିଉଡର ସିଙ୍ଘମ କୁହାଯାଏ । ସେ ପରଦାରେ ସମସ୍ତ ପ୍ରକାରର ଅଭିନୟ କରିପାରନ୍ତି। କିନ୍ତୁ ଆକ୍ସନ ଚରିତ୍ରରେ ତାଙ୍କୁ ବହୁତ ପସନ୍ଦ କରାଯାଏ। ଅଜୟ ‘ଫୁଲ ଓର୍ କାଣ୍ଟେ’ ସହିତ ଫିଲ୍ମରେ ଡେବ୍ୟୁ କରିଥିଲେ। ଭେରୁ ଦେବଗନଙ୍କ ପୁଅ ଅଜୟ ଆରମ୍ଭରୁ ଷ୍ଟଣ୍ଟକୁ ବହୁତ ଭଲ ପାଉଥିଲେ। ଏହି କାରଣରୁ ସେ କଲେଜ ଦିନରେ ଅନେକ ଲୋକଙ୍କୁ ମାରିଛନ୍ତି ଏବଂ ଅନେକ ଲୋକଙ୍କଠାରୁ ମାଡ ମଧ୍ୟ ଖାଇଛନ୍ତି। ହେଲେ ଏକଦା ଅଜୟଙ୍କୁ ୨୫-୩୦ ଜଣ ଲୋକେ ମାରିବାକୁ ଆସିଥିଲେ। ଏହି କଥା ସେ ନିଜେ ଶୋ’ ‘ୟାଦୋଁ କି ବାରାତ’ ରେ କହିଥିଲେ।
ସେ କହିଥିଲେ, ଜଣେ ଅଭିନେତା ହେବା ପୂର୍ବରୁ ମୋର ଅନେକ ଲୋକଙ୍କ ସହ ଝଗଡା ହୋଇଥିଲା। ଅନେକ ଲୋକଙ୍କୁ ମାଡ଼ ମାରିଛି ଅନେକ ଲୋକଙ୍କଠାରୁ ମାଡ଼ ଖାଇଛି। ଥରେ ୨୦-୨୫ ଲୋକ ଏକାଠି ମାରିବାକୁ ଆସିଥିଲେ। ସେହି ସମୟରେ ଅଜୟଙ୍କ ସହ ଶୋ’ର ହୋଷ୍ଟ ସାଜିଦ ଖାନ ମଧ୍ୟ ଉପସ୍ଥିତ ଥିଲେ।
ସାଜିଦ କହିଛନ୍ତି, ଅଜୟଙ୍କର ଏକ ଧଳା ଜିପ ଥିଲା ଯେଉଁଥିରେ ଆମେ ସମସ୍ତେ ବୁଲୁଥିଲୁ । ହଲିଡେ ହୋଟେଲ ନିକଟରେ ଏକ ସଂକୀର୍ଣ୍ଣ ରାସ୍ତା ଥିଲା। ଆମେ ଜିପ ନେଇ ଯାଉଥିଲୁ, ସେତେବେଳେ ଆମ ଜିପ ସାମ୍ନାକୁ ଏକ ପିଲା ଦୌଡିକି ପଳେଇ ଆସଥିଲା। ଅଜୟ ହଠାତ୍ ବ୍ରେକ ମାରିଲେ। ସୌଭାଗ୍ୟବଶତଃ ପିଲାଟିର କିଛି ହୋଇ ନ ଥିଲା। ମାତ୍ର ପିଲାଟି ଭୟରେ କାନ୍ଦିବାକୁ ଲାଗିଲା। ଏଥିରେ ବହୁତ ଲୋକ ଆସିଲେ। ଅମେ ତାଙ୍କୁ ବୁଝାଇବାକୁ ଚେଷ୍ଟା କଲୁ। ମାତ୍ର ସେମାନେ ଆମ କଥା ଶୁଣିଲେନି। ଆମକୁ କହିଲେ ବଡ଼ ଘର ପିଲା ବୋଲି ଦ୍ରୁତଗତିରେ ଗାଡ଼ି ଚଲାଇବ। ପରେ ସେମାନେ ଆମକୁ ମାରିବାକୁ ଲାଗିଲେ ବୋଲି ଦୁହେଁ କହିଥିଲେ। ଏହି ଖବର ଅଜୟଙ୍କ ବାପା ଜାଣିବା ପରେ ସେ ତାଙ୍କୁ ବଞ୍ଚାଇବାକୁ ୧୫୦ ଜଣ ବ୍ୟକ୍ତିଙ୍କୁ ଧରି ପହଞ୍ଚିଥିଲେ। ସେଠାରେ ସେ ଅଜୟ, ସାଜିଦ ଏବଂ ତାଙ୍କର ଅନ୍ୟ ସାଙ୍ଗମାନଙ୍କୁ ବଞ୍ଚାଇଥିଲେ।
