ନୂଆଦିଲ୍ଲୀ, ୬ା୩ : ଭାରତରେ ମୁଣ୍ଡପିଛା ଆୟ ୨୦୧୪-୧୫ ବର୍ଷ ତୁଳନାରେ ୨୦୨୨-୨୩ ବର୍ଷରେ ଦୁଇଗୁଣ ବଢ଼ି ୧,୭୨,୦୦୦ରେ ପହଞ୍ଚତ୍ଛି। ତେବେ ଆୟରେ ଅସମାନତା ଏକ ଚ୍ୟାଲେଞ୍ଜ ହୋଇ ରହିଛି। ୨୦୧୪-୧୫ ଆର୍ଥତ୍କ ବର୍ଷରେ ଭାରତୀୟଙ୍କ ବାର୍ଷିକ ମୁଣ୍ଡପିଛା ଆୟ ୮୬,୬୪୭ ଟଙ୍କା ଥିଲା। ୨୦୨୨-୨୩ ବର୍ଷରେ ଏହା ୯୯ ପ୍ରତିଶତ ବୃଦ୍ଧି ପାଇ ୧,୭୨,୦୦୦ ଟଙ୍କାରେ ପହଞ୍ଚତ୍ଥିବା ଜାତୀୟ ପରିସଂଖ୍ୟାନ କାର୍ଯ୍ୟାଳୟ (ଏନ୍ଏସ୍ଓ) ରିପୋର୍ଟରୁ ଜଣାପଡ଼ିଛି।
ତେବେ ରିଅଲ ଟର୍ମସ୍ (ବର୍ଦ୍ଧିତ ଆୟରୁ ବର୍ଦ୍ଧିତ ବଜାର ଦରକୁ ବାଦ୍ ଦେଲେ)ରେ ଦେଖିଲେ ୯ ବର୍ଷରେ ମୁଣ୍ଡପିଛା ଆୟ ୩୫ ପ୍ରତିଶତ ବଢ଼ିଛି। ସେହି ଅନୁଯାୟୀ ୨୦୧୪-୧୫ରେ ମୁଣ୍ଡପିଛା ଆୟ ୭୨,୮୦୫ ଟଙ୍କା ଥିବାବେଳେ ୨୦୨୨-୨୩ରେ ତାହା ୯୮,୧୧୮ ଟଙ୍କାରେ ପହଞ୍ଚତ୍ଛି। ଖ୍ୟାତନାମା ଅର୍ଥନୀତିଜ୍ଞ ଜୟତି ଘୋଷଙ୍କ ମତରେ ଶୀର୍ଷରେ ଥିବା ଜନସଂଖ୍ୟାର ୧୦ ପ୍ରତିଶତଙ୍କ ଆୟ ଯଥେଷ୍ଟ ବଢ଼ିଛି। ଅନ୍ୟପକ୍ଷରେ ମଧ୍ୟମବର୍ଗଙ୍କ ଆୟ ହ୍ରାସ ପାଇଛି, ଯାହା ରିଅଲ ଟର୍ମରେ ଆହୁରି କମ୍ ବୋଲି ଜେଏନ୍ୟୁର ପୂର୍ବତନ ପ୍ରଫେସର ଘୋଷ କହିଛନ୍ତି। କୋଭିଡ୍ ସମୟରେ ଭାରତୀୟଙ୍କ ମୁଣ୍ଡପିଛା ଆୟ ହ୍ରାସ ପାଇଥିଲା। ୨୦୨୧-୨୨ ଏବଂ ୨୦୨୨-୨୩ରେ ଏହା ପୁଣି ବଢ଼ିଥିଲା।