ଜଳେଶ୍ୱର, ୨୬ା୧୨(ଡି.ଏନ.ଏ.):ବାଲେଶ୍ୱର ଜିଲା ଜଳେଶ୍ୱର ଅଞ୍ଚଳରେ କୋବି ଚାଷୀମାନେ ଉଚିତ୍ ମୂଲ୍ୟ ନ ପାଇ ହତାଶ ହୋଇପଡିଛନ୍ତି। ଶୀତଳ ଭଣ୍ଡାର ନ ଥିବାରୁ ଚାଷୀ ଫୁଲ ଓ ବନ୍ଧାକୋବି ଗୋଟାକୁ ୩ଟଙ୍କାରେ ବିକ୍ରି କରି ବ୍ୟାପକ କ୍ଷତି ସହୁଛି।
୧ ଏକର ଜମି ଲାଗି ୧୦୦ ଗ୍ରାମ ମଞ୍ଜିକୁ ୪ରୁ ୫ହଜାର ଟଙ୍କକା ଦେଇ କିଣିଥାନ୍ତି ା
ସକତା, ସେମିନିସ, ମାର୍ବଲ, କୋରାଲ ହ୍ବାଇଟ୍, ଟେଟ୍ରିସ୍, ଶୀତଲ କିସମର କୋବି ମଞ୍ଜି ଜଳେଶ୍ୱର ଅଞ୍ଚଳରେ ଚାଷ ହୋଇଥାଏ ା ଅକ୍ଟୋବର ୧୫ ତାରିଖ ସୁଦ୍ଧା ଚାଷୀମାନେ ତଳି ପକାଇଥାନ୍ତି ା ପ୍ରକାର ଭେଦରେ ୨୫ରୁ ୩୦ ଦିନ ପରେ ତଳି ଲଗାଯାଇଥାଏ। ୧ଏକର ଜମିରେ ପ୍ରାୟ ୧୦ହଜାର ଚାରାରୋପଣ କରାଯାଏ। ୫୦ରୁ ୮୦ଦିନ ପରେ କୋବି ଅମଳ ହୁଏ ା ଜଳେଶ୍ୱରର ୩୫ଟି ପଞ୍ଚାୟତର ଚାଷୀ ପୂର୍ବରୁ କୋବି ଚାଷ କରି ଲକ୍ଷ ଲକ୍ଷ ଟଙ୍କା ଉପାର୍ଜନ କରି ଆସୁଥିଲେ। ଚଳିତବର୍ଷ ବଜାର ମାନ୍ଦା ଯୋଗୁ ଆଖିଦୃଶିଆ ବିକ୍ରୀବଟା ହୋଇପାରୁନି। ଜଳେଶ୍ୱର ବ୍ଲକର ମାକିଡିଆ, ଓଲମରା, ଦକ୍ଷିଣ ପ୍ରହରାଜପୁର, ଶ୍ରୀରାମପୁର, ଶିଖରପୁର, ଗୋବରଘଟା, ଲକ୍ଷ୍ମଣନାଥ, ମହମ୍ମଦନଗରପାଟଣା, ରାୟାଁରାମଚନ୍ଦ୍ରପୁର, ରାଜପୁର, ପାଇକସିଦା, ପଶ୍ଚିମବାର୍ଡ, ଝାଡପିମ୍ପଳ, ବାଇଗଣବାଡିଆ, ଗଡସାହିବାଲିଆପାଳ ପଂଚାୟତର ପ୍ରାୟ ୬ଶହ ହେକ୍ଟର ଜମିରେ କୋବିଚାଷ ହୋଇଛି ା ଏହି ଅଞ୍ଚଳରୁ ଉପତ୍ନ୍ନ କୋବି ଉତ୍କୃଷ୍ଟ ବୋଲି ଉଦ୍ୟାନ ବିଭାଗ ପକ୍ଷରୁ କୁହାଯାଇଛି ା ପ୍ରତିଦିନ ୭ରୁ ୮ଟ୍ରକ୍ କୋବି ଜଳେଶ୍ୱର, ବେଣାପୁରା, ଭେଲୋରା, ପଶ୍ଚିମବାର୍ଡ, ନାଚିନ୍ଦା, ସୁନାକଣିଆ, ମାକିଡିଆ ହାଟରେ ବିକ୍ରି ହେଉଛି। ମୁଣ୍ଡ ଝାଳ ତୁଣ୍ଡରେ ମାରି, ଧାର କରଜ କରି ଚାଷୀ କୋବି କରିଥିବା ବେଳେ ଏବେ ଏହା ଶାଗମାଛ ଦରରେ ବ୍ୟବସାୟୀ କିଣୁଛି ା
କିନ୍ତୁ ବ୍ୟବସାୟୀ ଏହାକୁ ଦୂରସ୍ଥାନକୁ ପଠାଇ ମାଲେମାଲ ହେଉଛି ା
ଏ ସମ୍ପର୍କରେ ଚାଷୀ ଅନୀଲ ମହାନ୍ତି, ଭଗିରଥ ଗିରି, ସୁଦର୍ଶନ ମାଇତି, ଶମ୍ଭୁ ମାଇତି, ପରିତୋଷ ମାଇତି, ଖୋକନ୍ ଜେନା, ରବୀନ୍ଦ୍ର ଦଳେଇ କୁହନ୍ତି, ସେମାନେ ଧାର କରଜ କରି କୋବି ଚାଷ କରିଥିଲେ ା ଅନୁକୂଳ ପାଗ ଯୋଗୁ ଚଳିତବର୍ଷ କୋବିଚାଷ ପ୍ରତି ଗୁରୁତ୍ୱ ଦେଇଥିଲେ। ହେଲେ ବିକ୍ରୀ ସୁବିଧା ନ ଥିବାରୁ ଚାଷୀମାନେ ବ୍ୟବସାୟୀଙ୍କ ଦ୍ୱାରା ଶୋଷଣ ହେଉଛନ୍ତି। ସାହୁକାରଙ୍କଠାରୁ ଟଙ୍କା କିମ୍ବା ସାର ଓ କୀଟନାଶକ ଲାଗି ଦୋକାନରୁ କରଜ କରିଥିବା ଅର୍ଥ ଅମଳ ପରେ ସେମାନେ ନେଇ ଯାଇଛନ୍ତି ା ଚାଷୀ ବିମୁଖ ହୋଇ କୋବି ଜମିରୁ ସଂଗ୍ରହ କରୁ ନ ଥିବା ବେଳେ ଗୋରୁ ଚରୁଥିବା ଦେଖିବାକୁ ମିଳୁଛି ା