ମୋହାଲି, ୨୭।୮: ପଞ୍ଜାବର ମୋହାଲିରେ ପୋଲିସ ଜଣେ କୁକୁର ମାଲିକାଣୀଙ୍କୁ ଗିରଫ କରିଛି। ଗତ ଅଗଷ୍ଟ ୧୫ରେ ଭିଆଇପି ରୋଡ୍ରେ ଯୋଗୀନ୍ଦର ସିଂ ନାମକ ଜଣେ ବ୍ୟକ୍ତି ଓ ତାଙ୍କ ପୁଅ ଏକ ଦୋକାନକୁ ଯାଇଥିଲେ। ଏହି ସମୟରେ ଦୋକାନ ବାହାରେ ଜଣେ ମହିଳା ନିଜ ପୋଷା କୁକୁରକୁ ଧରି ଠିଆ ହୋଇଥିଲେ। ହଠାତ୍ ମହିଳାଙ୍କ ପୋଷା କୁକୁରଟି ଯୋଗୀନ୍ଦରଙ୍କୁ କାମୁଡ଼ି ଦେଇଥିଲା। ଏହାପରେ ଯୋଗୀନ୍ଦର ଚିକିତ୍ସତ ହୋଇ ସୁସ୍ଥ ହେବାପରେ ଏନେଇ ପୋଲିସ ନିକଟରେ ଅଭିଯୋଗ କରିଥିଲେ। ଜିରାକପୁର ପୋଲିସ ଏହି ଘଟଣାରେ ଦଣ୍ଡ ବିଧାନ ସଂହିତା ଧାରା ୨୮୯ରେ ସୂର୍ଯ୍ୟ ଟାଓ୍ବାରର ବାସିନ୍ଦା ତଥା କୁକୁରର ମାଲିକାଣୀ ଅକ୍ଷିତା ମିଶ୍ରଙ୍କୁ ଗିରଫ କରିଛି ବୋଲି ତଦନ୍ତକାରୀ ଜସବିନ୍ଦର ସିଂ କହିଛନ୍ତି।