ଝାରସୁଗୁଡ଼ା ଅଫିସ,୨୩ା୧୧: ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ସେଣ୍ଟ୍ରାଲ କମିଟି ଆହ୍ବାନ କ୍ରମେ ଝାରସୁଗୁଡ଼ା ଜିଲା ବାର୍ ଆସୋସିଏଶନ ପକ୍ଷରୁ ବୁଧବାର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହିତ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା। ତା’ପରେ ବାର୍ର ସଦସ୍ୟମାନେ ପୋଷ୍ଟର,ବ୍ୟାନର ଧରି ଏକ ଶୋଭାଯାତ୍ରାରେ ବାହାରି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଜିଲାପାଳଙ୍କୁ ଏକ ସ୍ମାରକପତ୍ର ପ୍ରଦାନ କରିଥିଲେ। ଏହାକୁ ଜିଲାପାଳ ସରୋଜ କୁମାର ସାମଲ ଗ୍ରହଣ କରିଥିଲେ। ଏଥିରେ ଆସୋସିଏଶନର ସଭାପତି ତ୍ରିନାଥ ଗୁଆଲ,ସାଧାରଣ ସମ୍ପାଦକ ତୁଳସୀ ପ୍ରସାଦ ଦାଶ,ତାପସ ରାୟ ଚୌଧୁରୀ,ସତ୍ୟନାରାୟଣ ବହିଦାର,ନାରାୟଣ ମହାପାତ୍ର,ଦୀନେଶ ଜୈନ, ବି ନାଗେଶରୀଙ୍କ ସମେତ ଶତାଧିକ ସଦସ୍ୟ ଯୋଗଦେଇଥିଲେ।