ନୂଆଦିଲ୍ଲୀ, ୨୧।୬: କର୍ଣ୍ଣାଟକ ପରେ ଏବେ ଗୋଆ ସରକାର ପେଟ୍ରୋଲ-ଡିଜେଲ୍ ଦାମ୍ରେ ବୃଦ୍ଧି କରିଛନ୍ତି । ସରକାର ପେଟ୍ରୋଲ୍ ଦାମ୍ରେ ୧ଟଙ୍କା ବୃଦ୍ଧି କରିଥିବା ବେଳେ ଡିଜେଲ୍ ଦାମ୍ରେ ୩୬ ପଇସା ବୃଦ୍ଧି କରିଛନ୍ତି । ଭାଲ୍ୟୁ ଆଡେଡ୍ ଟ୍ୟାକ୍ସ ବା ଭାଟ୍ ବୃଦ୍ଧି ହେବା ଫଳରେ ଏହି ଦାମ୍ରେ ପରିବର୍ତ୍ତନ ହୋଇଛି । ନୂଆଦର ଶନିବାର ଅର୍ଥାତ ୨୨ ଜୁନ୍ରୁ ରାଜ୍ୟରେ ଲାଗୁ ହେବ ।
ଗୋଆ ସରକାରଙ୍କ ଅର୍ଥ ବିଭାଗ ୨୨ ଜୁନ୍ରୁ ନୂଆ ସଦର ଲାଗୁ ହେବା ନେଇ ଏକ ବିଜ୍ଞପ୍ତି ଜାରି କରିଛି । ଅର୍ଥ ସଚିବ ପ୍ରଣବ ଜି ଭଟ୍ଟ ଏନେଇ କହିଛନ୍ତି ଯେ, ପେଟ୍ରୋଲ ୧ଟଙ୍କା ଏବଂ ଡିଜେଲ୍ ୩୬ ପଇସା ମହଙ୍ଗା ହେବ । ଗୋଆରେ ବର୍ତ୍ତମାନ ପୋଟ୍ରେଲ ଲିଟର ପ୍ରତି ୯୫.୪୦ ଟଙ୍କା ରହିଥିବା ବେଳେ ଡିଜେଲ ୮୭.୯୦ ଟଙ୍କା ରହିଛି ।