ଲକ୍ଷ୍ନୌ,୪।୧୧: ଆସନ୍ତା ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସରକାର ରାଜ୍ୟବାସୀଙ୍କୁ ଦୀପାବଳି ଉପହାର ପ୍ରଦାନ କରିଛନ୍ତି। ଏହାସହିତ ପ୍ରଧାନମନ୍ତ୍ରୀ ଅନ୍ନ ଯୋଜନାକୁ ହୋଲି ପର୍ଯ୍ୟନ୍ତ ବୃଦ୍ଧି କରିବାକୁ ରାଜ୍ୟ ସରକାର ଘୋଷଣା କରିଛନ୍ତି। ପେଟ୍ରୋଲ-ଡିଜେଲ ଉପରେ ଏକ୍ସାଇଜ ଡ୍ୟୁଟି ହ୍ରାସ କରିବାକୁ କେନ୍ଦ୍ର ନିଷ୍ପତ୍ତି ନେବା ପରେ ଯୋଗୀ ଏହାର ଦର ହ୍ରାସ କରିବାକୁ ଘୋଷଣା କରିଛନ୍ତି। ଅଯୋଧ୍ୟାରେ ଆୟୋଜିତ ଦୀପୋତ୍ସଭ କାର୍ଯ୍ୟକ୍ରମରେ ଯୋଗଦେଇ ମୁଖ୍ୟମନ୍ତ୍ରୀ ଏହି ସୂଚନା ଦେଇଛନ୍ତି।
ପେଟ୍ରୋଲ ଦାମ କେନ୍ଦ୍ର ସରକାର ୫ ଟଙ୍କା କମାଇଥିବାବେଳେ ଏବଂ ଯୋଗୀ ସରକାର ୭ ଟଙ୍କା କମାଇଛନ୍ତି। ଫଳରେ ରାଜ୍ୟରେ ପେଟ୍ରୋଲ ଦାମ ମୋଟ ୧୨ ଟଙ୍କା କମିଛିି। ସେହିଭଳି ଡିଜେଲ ଦାମ ରାଜ୍ୟ ସରକାର ୨ ଟଙ୍କା ହ୍ରାସ କରିଥିବାବେଳେ କେନ୍ଦ୍ର ସରକାର ୧୦ ଟଙ୍କା କମ କରିଛନ୍ତି। ଫଳ ସ୍ବରୂପ ଡିଜେଲ ମଧ୍ୟ ୧୨ ଟଙ୍କା ଶସ୍ତା ହୋଇଛି।
ସେ କହିଛନ୍ତି ଯେ ପ୍ରଧାନମନ୍ତ୍ରୀ ଅନ୍ନ ଯୋଜନା ନଭେମ୍ବର ପର୍ଯ୍ୟନ୍ତ ରହିଛି। କରୋନା ଏପର୍ଯ୍ୟନ୍ତ ଶେଷ ହୋଇନାହିଁ, ତେଣୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି ଯେ ହୋଲି ପର୍ଯ୍ୟନ୍ତ ଏହା ଜାରି ରହିବ। ଏହା ଅନ୍ତର୍ଗତ ଡିସେମ୍ବର, ଜାନୁଆରୀ, ଫେବୃଆରୀ ଏବଂ ମାର୍ଚ୍ଚରେ ଅନ୍ତୋଦୟ କାର୍ଡ ଧାରକଙ୍କୁ ମାଗଣାରେ ୩୫ କିଲୋଗ୍ରାମ ରାଶନ ମିଳିବ ବୋଲି ମୁଖ୍ୟମନ୍ତ୍ରୀ କହିଛନ୍ତି।