ଯୋଡ଼ା,୨୫।୧୦(ମାନସ ମହାନ୍ତି): କେନ୍ଦୁଝର ଜିଲା ଚମ୍ପୁଆ ରେଞ୍ଜ ବାମେବାରୀ ସେକ୍ସନ ଅନ୍ତର୍ଗତ ପଳସା ଗ୍ରାମ ନିକଟ ଟ୍ରେନ୍ ଲାଇନ ଉପରେ ବୁଧବାର ଏକ ମାଲବାହୀ ଟ୍ରେନ ଧକ୍କାରେ ଗୋଟିଏ ମାଈ ହାତୀର ମୃତ୍ୟୁ ଘଟିଛି ।
ମିଳିଥିବା ସୂଚନା ଅନୁଯାୟୀ, ହାତୀପଲ ଟ୍ରେନ ଲାଇନ ଅପରପାର୍ଶ୍ୱରେ ଥିବାବେଳେ ମାଈ ହାତୀଟି ଟ୍ରେନ ଲାଇନ ପାର ହେଉଥିଲା। ଏହୀ ସମୟରେ ଟ୍ରେନ ତାକୁ ଧକ୍କା ଦେଇଥିଲା । ଫଳରେ ହାତୀଟିର ଘଟଣାସ୍ଥଳରେ ମତ୍ୟୁ ଘଟିଥିଲା। ଆଉ ଏକ ଦନ୍ତା ହାତୀ ଟ୍ରେନ ଲାଇନରେ ପଡ଼ି ଅଳ୍ପକେ ବର୍ତ୍ତି ଯାଇଥିବା ଜଣାପଡ଼ିଛି। ମଙ୍ଗଳବାର ବନ ବିଭାଗ ହାତୀ ଗତିବିଧି ଉପରେ କୌଣସି ସୂଚନା ରଖି ନ ଥିବାରୁ ଏହି ଦୁର୍ଘଟଣା ଘଟିଛି ବୋଲି ସ୍ଥାନୀୟ ଲୋକେ କହିଛନ୍ତି।