ଓ୍ବାଶିଂଟନ୍,୨୨।୧୧: ଆମେରିକୀୟ ଯାତ୍ରୀ ଆନ୍ଥୋନି ଲରେନ୍ସ ଉପରେ ଫିଲିପାଇନ୍ସ ଆଜୀବନ ପ୍ରତିବନ୍ଧକ ଲଗାଇଛି। ଡିଜିଟାଲ ଇମିଗ୍ରେଶନ ଫର୍ମରେ “ଅପମାନଜନକ ଶବ୍ଦ” ପୂରଣ କରିବା ଏବଂ ଇମିଗ୍ରେଶନ ଅଧିକାରୀଙ୍କ ସହ ଅସଦାଚରଣ ପାଇଁ ଫିଲିପାଇନ୍ସ ବ୍ୟୁରୋ ଅଫ ଇମିଗ୍ରେଶନ ଦ୍ୱାରା ଏହି ପଦକ୍ଷେପ ନିଆଯାଇଛି।
ବାସ୍ତବରେ, ଫିଲିପାଇନ୍ସ ନିଜ ଦେଶରେ ଟ୍ରାଭେଲ ଫର୍ମ ପାଇଁ କାଗଜ ଆବେଦନ ଗ୍ରହଣ କରିବା ବନ୍ଦ କରିଦେଇଛି । ବର୍ତ୍ତମାନ ସେଠାରେ କେବଳ ଇଲେକ୍ଟ୍ରୋନିକ ଆବେଦନଗୁଡିକ ଗ୍ରହଣ କରାଯାଉଛି। ଏଭଳି ପରିସ୍ଥିତିରେ ବର୍ତ୍ତମାନ ଫିଲିପାଇନ୍ସକୁ ଯାଉଥିବା ଯାତ୍ରୀମାନେ ଆସିବା ଏବଂ ପ୍ରସ୍ଥାନର ଅତି କମରେ ୭୨ ଘଣ୍ଟା ପୂର୍ବରୁ ଡିଜିଟାଲ ଫର୍ମ ପୂରଣ କରିବା ଆବଶ୍ୟକ।
୩୪ ବର୍ଷିୟ ଆନ୍ଥୋନି ଲରେନ୍ସଙ୍କୁ ଦେଶକୁ ପ୍ରବେଶ କରିବାକୁ ବାରଣ କରାଯାଇଥିଲା ଏବଂ ତାଙ୍କର “ଅସମ୍ମାନ” ଆଚରଣ ପରେ ସ୍ଥାୟୀ ଭାବେ ବ୍ଲକ୍ ଲିଷ୍ଟରେ ରଖାଯାଇଥିଲା ବୋଲି ଫିଲିପାଇନ୍ସ ବ୍ୟୁରୋ ଅଫ ଇମିଗ୍ରେଶନ କମିଶନର ନର୍ନ ଟାନସିଙ୍ଗକୋ ଗତ ସପ୍ତାହରେ ଏକ ବିବୃତ୍ତିରେ କହିଛନ୍ତି।
