ମାନିଲା,୧୬।୨: ଫିଲିପାଇନ୍ସ ଗୁରୁବାର ଭୂକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲରେ ଏହାି ତୀବ୍ରତା ୬.୧ ରହିଥିବା ଯୁକ୍ତରାଷ୍ଟ୍ରର ଭୂତତ୍ତ୍ୱ ସର୍ବେକ୍ଷଣ(ୟୁଏସ୍ଜିଏସ୍)ପକ୍ଷରୁ ସୂଚନା ଦିଆଯାଇଛି। ଏହି ଭୂକମ୍ପରେ କୌଣସି କ୍ଷୟକ୍ଷତିର ସୂଚନା ମିଳିପାରିନାହିଁ।
ୟୁଏସ୍ଜିଏସ୍ କହିଛି, ଏହି ଭୂକମ୍ପ କେନ୍ଦ୍ର ପ୍ରଦେଶର ମୁଖ୍ୟ ଦ୍ୱୀପ ମସବେଟର ଉସନ ପୌରପାଳିକାର ନିକଟତମ ମିଆଗା ଗାଁ ଠାରୁ ୧୧ କିଲୋମିଟର ଦୂରରେ ଥିଲା। ସ୍ଥାନୀୟ ସମୟ ଦିନ ୨ଟାରେ ଏହି ଭୂକମ୍ପ ଅନୁଭୂତ ହୋଇଥିଲା। ଲୋକେ ଭୟଭୀତ ହୋଇ ଘରୁ ବାହାରକୁ ପଳାଇ ଆସିଥିଲେ।