ଭୁବନେଶ୍ୱର,୧୯।୧୧: ଫିଲିପ୍ସ ଲାଇଟିଂ ଇଣ୍ଡିଆ ଲିମିଟେଡ୍ର ଏକ୍ସକ୍ଲୁସିଭ ଆଉଟ୍ଲେଟ୍ ‘ଫିଲିପ୍ସ ସ୍ମାର୍ଟ ଲାଇଟ୍ ହବ୍’ ଶନିବାର ପାହାଳଠାରେ ଆନୁଷ୍ଠାନିକ ଭାବେ ଉଦ୍ଘାଟିତ ହୋଇଯାଇଛି। ଉଲ୍ଲେଖଯୋଗ୍ୟ, ଫିଲିପ୍ସ ଲାଇଟିଂ ଇଣ୍ଡିଆ ଲିମିଟେଡ୍ର ସ୍ବୀକୃତିପ୍ରାପ୍ତ ଡିଲର (ଫ୍ରାଞ୍ଚାଇଜ) ଏଡିସିଓ ଭେଞ୍ଜର୍ସ ପ୍ରାଇଭେଟ୍ ଲିମିଟେଡ୍ ଆନୁକୂଲ୍ୟରେ ଉକ୍ତ ଲାଇଟ ହବ୍ର ଶୁଭାରମ୍ଭ କରାଯାଇଛି। ଏହି ପରିପ୍ରେକ୍ଷୀରେ ଫିଲିପ୍ସ ଲାଇଟିଂ ଇଣ୍ଡିଆ ଲିମିଟେଡ୍ର ଆର୍ଏସ୍ଏମ୍ (ଇଷ୍ଟ) ତିର୍ଥଙ୍କର ଚକ୍ରବର୍ତ୍ତୀ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଏଡିସିଓ ଭେଞ୍ଜର୍ସ ପ୍ରାଇଭେଟ୍ ଲିମିଟେଡ୍ ପ୍ରତିଷ୍ଠାତା ତଥା ଏମ୍ଡି ଅଭିଷେକ ଏନ୍ଆର୍ ନାୟକଙ୍କ ସମେତ ଉଭୟ ଫିଲିପ୍ସ ଓ ଏଡିସିଓର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ।
ବିଶେଷକରି ଦ୍ୱୈତ ନଗରୀ ଭୁବନେଶ୍ୱର-କଟକର କାୟା ବୃଦ୍ଧି ପାଉଥିବାରୁ ଉଭୟ ସହରର ମଧ୍ୟଭାଗରେ ଏଭଳି ଏକ ଅତ୍ୟାବଶ୍ୟକ ଓ ବ୍ରାଣ୍ଡେଡ୍ ଲାଇଟ୍ ହାଉସର ପରିକଳ୍ପନା କରାଯାଇଥିଲା। ଏପରିକି ଗ୍ରାହକଙ୍କ ଚାହିଦା ଓ କମ୍ପାନୀର ଗୁଣାତ୍ମକ ଉତ୍ପାଦ ସବୁ ବର୍ଗର ଉପଭୋକ୍ତଙ୍କ ପାଇଁ ଉପଲବ୍ଧ ବୋଲି ଆଉଟ୍ଲେଟ୍ ପକ୍ଷରୁ କୁହାଯାଇଛି।