ଭୁବନେଶ୍ୱର,୧୯।୭: ଫୋନପେ ଇନ୍ସ୍ୟୁରାନ୍ସ ବ୍ରୋକିଙ୍ଗ୍ ସର୍ଭିସେସ୍ର ନୂତନ ପ୍ଲାଟଫର୍ମ ନିକଟରେ ଉନ୍ମୋଚିତ ହୋଇଯାଇଛି। ବିଶେଷ କରି ଉକ୍ତ ପ୍ଲାଟଫର୍ମରେ ସ୍ବାସ୍ଥ୍ୟବୀମା ଯୋଜନାଗୁଡିକର ଶୁଭାରମ୍ଭ କରାଯାଇଛି, ଯାହାକି ଦେଶର ଅଗ୍ରଣୀ ବୀମା କମ୍ପାନୀଗୁଡିକ ସହ ସହଭାଗିତାରେ ବ୍ୟାପକ ବୀମା ସମ୍ପର୍କିତ ସେବା ପ୍ରଦାନ କରୁଛି। ଫୋନ୍ପେ ଇନ୍ସ୍ୟୁରାନ୍ସ ପ୍ଲାଟ୍ଫର୍ମ ଭାରତର ୯୮% ପିନ୍କୋଡ୍ରେ ବୀମା ବିକ୍ରି କରିଥିବା ବେଳେ ୨୦୦ ମିଲିୟନରୁ ଅଧିକ ଭେଇକିଲ୍ ଇନ୍ସ୍ୟୁରାନ୍ସ କୋଟ୍କୁ ସେବା ପ୍ରଦାନ କରିଛି। ଏପରିକି ପ୍ରାୟ ଏକ କୋଟି ଟଙ୍କା ପର୍ଯ୍ୟନ୍ତ କଭରେଜ ସହିତ ଆସୁଥିବା ଏହି ନୂତନ ସ୍ବାସ୍ଥ୍ୟ ବୀମା ଯୋଜନାଗୁଡିକ ଉପଭୋକ୍ତାଙ୍କୁ ବିନା କୌଣସି ପୁଞ୍ଜି-ସୀମାରେ ଯେକୌଣସି ହସ୍ପିଟାଲ ରୁମ୍ ଚୟନ କରିବାକୁ ଅନୁମତି ଦେଉଛି।
ଫୋନ୍ପେ ଇନ୍ସୁରାନ୍ସ ବ୍ରୋକିଙ୍ଗ ଦ୍ୱାରା ପ୍ରଦାନ କରାଯାଉଥିବା ସ୍ବାସ୍ଥ୍ୟ ବୀମା ଯୋଜନାଗୁଡିକ ସହ ପ୍ରି ଓ ପୋଷ୍ଟ-ସେଲ୍ସ ଆସିଷ୍ଟାନ୍ସ ରହିଛି, ଯାହା ଉପଭୋକ୍ତାଙ୍କୁ ସୂଚିତ ନିଷ୍ପତ୍ତି ନେବା ଓ ଦାବି ସମାଧାନ କରିବା ଏବଂ ଅନ୍ୟାନ୍ୟ ସେବାଗୁଡିକୁ ହାସଲ କରିବା ପାଇଁ ସାହାଯ୍ୟ କରିଥାଏ। ଏ ସମ୍ପର୍କରେ ଫୋନ୍ପେର ଆର୍ଥିକ ସେବା ବିଭାଗର ଉପାଧ୍ୟକ୍ଷ ହେମନ୍ତ ଗାଲା କହିଛନ୍ତି, ସ୍ବାସ୍ଥ୍ୟ ବୀମା କ୍ରୟ କରିବା କ୍ଷେତ୍ରରେ ଅନ୍ୟତମ ବୃହତ୍ ପ୍ରତିବନ୍ଧକ ହେଉଛି ସୁଲଭତା ଏବଂ ଆମେ ମାସିକ ପେମେଣ୍ଟ୍ ଉପରେ ଗୁରୁତ୍ୱ ଦେଇ ଭାରତର ପ୍ରଥମ ହେଲ୍ଥ ଇନ୍ସୁରାନ୍ସ ମାର୍କେଟ୍ ପ୍ଲେସ୍ ସୃଷ୍ଟି କରି ଏହି ସମସ୍ୟାର ସମାଧାନ କରିଛୁ। ଏହା ହେଉଛି ଦେଶର ଏକମାତ୍ର ପ୍ଲାଟ୍ଫର୍ମ, ଯେଉଁଠାରେ ଗ୍ରାହକମାନେ ଫୋନ୍ପେ’ ଆପ୍ ଜରିଆରେ ବୀମା ସେବା ପାଇପାରିବେ। ଏପରିକି ୟୁପିଆଇ ମାଧ୍ୟମରେ ବୀମା ପାଇଁ ସହଜରେ କିସ୍ତି ପୈଠ କରିପାରିବେ।