ଇସ୍ରାଏଲର ୩୦୦ ପୁରୁଷ ଏବଂ ମହିଳା ସ୍ବେଚ୍ଛାସେବୀ ଏକ ନିଆରା ଉପାୟରେ ଫଟୋ ଶୁଟ୍ କରିଛନ୍ତି। ପରିବେଶ ବିପର୍ଯ୍ୟୟ ପ୍ରତି ଦୃଷ୍ଟି ଦେଇ ମହିଳା ଏବଂ ପୁରୁଷ ସ୍ବେଚ୍ଛାସେବୀମାନେ ଏପରି ନିଆରା ଉପାୟ ଅବଲମ୍ବନ କରିଛନ୍ତି। ବିନା ପୋଷାକରେ ଡେଡ୍ ସି’ ବା ମୃତ ସାଗର ନିକଟରେ ଫଟୋଶୁଟ୍ କରିଛନ୍ତି। ସମସ୍ତେ ଶରୀରକୁ ଧଳା ରଙ୍ଗରେ ପେଣ୍ଟିଂ କରିଛନ୍ତି।
ଏହି ସମସ୍ତ ସ୍ବେଚ୍ଛାସେବୀ ଫଟୋକୁ ଆମେରିକୀୟ ଫଟୋଗ୍ରାଫର ସ୍ପେନ୍ସର ଟ୍ୟୁନିକ୍ ନେଇଛନ୍ତି। ଫଟୋଶୁଟ୍ରେ କେବଳ ପୁରୁଷ ନୁହନ୍ତି, ଏଥିରେ ମହିଳା ବି ସାମିଲ ଅଛନ୍ତି। ଟ୍ୟୁନିକ୍ ବିଶ୍ୱର ଅନେକ ସ୍ଥାନରେ ଫଟୋ ନେଇଛନ୍ତି। ଯେଉଁଥିରେ ଫ୍ରାନ୍ସର ଓ୍ବାଇନ୍ କଣ୍ଟ୍ରି, ସୁଇସ୍ର ଗ୍ଲାସିୟର ଏବଂ ସାଉଥ୍ ଆଫ୍ରିକାର ତଟ ରହିଛି। କିନ୍ତୁ ଟ୍ୟୁନିକ୍ କହିଛନ୍ତି, ‘ଇସ୍ରାଏଲ ଯାତ୍ରା ମୋ ପାଇଁ ଏକ ବଡ଼ ଅନୁଭୂତି ହୋଇଛି। ମୁଁ ଏଠାରେ ଫଟୋ ଶୁଟ୍ କରି ବହୁତ ଖୁସି।
ଇସ୍ରାଏଲର ଆରଦ ସହର ବାହାରେ ଥିବା ମରୁଭୂମିରେ ଏକାଠି ହୋଇଥିଲେ। ତାଙ୍କ ଶରୀରରେ କୌଣସି କପଡ଼ା ନ ଥିଲା। ଏହି ଫଟୋ ଶୁଟ୍ ପାଇଁ ପ୍ରାୟ ୩ ଘଣ୍ଟା ସମୟ ଲାଗିଥିଲା। ଯେଉଁଥିରେ ସ୍ବେଚ୍ଛାସେବୀମାନେ କ୍ୟାମେରା ସାମ୍ନାରେ ପୋଜ୍ ଦେଇଥିଲେ। ଆୟୋଜକମାନଙ୍କ ଇଚ୍ଛା କି ମୃତ ସମୁଦ୍ରର ସଂରକ୍ଷଣ ଗୁରୁତ୍ୱ ଜନସାଧାରଣଙ୍କ ଧ୍ୟାନ ଆକର୍ଷଣ କରିବ।
ଇସ୍ରାଏଲର ପର୍ଯ୍ୟଟନ ମନ୍ତ୍ରଣାଳୟ କହିଛି, ତାଙ୍କର ଆଶା କଳାତ୍ମକ ସ୍ଥାପନା କ୍ଷେତ୍ରରେ ଆଗନ୍ତୁକଙ୍କୁ ଆକର୍ଷିତ କରିବ। କରୋନା ମହାମାରୀ ଯୋଗୁ ଇସ୍ରାଏଲକୁ ପର୍ଯ୍ୟଟକମାନଙ୍କ ଆସିବା ପ୍ରତି ରୋକ ଲାଗିଥିଲା। ଟିକାକରଣ ପରେ ଏବେ ଲୋକଙ୍କୁ ସ୍ବାଗତ କରାଯାଉଛି।