ଜଣେ ଫଟୋଗ୍ରାଫର ଫଟୋଶୁଟ୍ ପାଇଁ ଏକ ବିବାହ ଉତ୍ସବକୁ ଯାଇଥିଲେ। କିନ୍ତୁ ବର ତାଙ୍କୁ ଏପରି ବ୍ୟବହାର କରିଥିଲେ ଯେ, ଏଥିରେ ସେ କ୍ରୋଧିତ ହୋଇ ତାଙ୍କ ସାମ୍ନାରେ ବିବାହ ଫଟୋ ଡିଲିଟ୍ କରିଥିଲେ। ଏହା ପରେ ସେ ସେଠାରୁ ଚାଲିଯାଇଥିଲେ। ଶେଷରେ ଏହି ବିବାହରେ କ’ଣ ହେଲା ଆଉ ଫଟୋଗ୍ରାଫର କାହିଁକି ଏପରି ପଦକ୍ଷେପ ନେଇଥିଲେ ବର୍ତ୍ତମାନ ଫଟୋଗ୍ରାଫର ସୋସିଆଲ ମିଡିଆରେ ଏ ବିଷୟରେ ସମ୍ପୂର୍ଣ୍ଣ ସୂଚନା ଦେଇଛନ୍ତି। ଜାଣନ୍ତୁ ଏ ବିଷୟରେ…
ଫଟୋଗ୍ରାଫର ସୋସିଆଲ ମିଡିଆରେ ସେହିଦିନର ସମ୍ପୂର୍ଣ୍ଣ ଘଟଣା ବିଷୟରେ କହିଛନ୍ତି। ଫଟୋଗ୍ରାଫର ବହୁତ ଭୋକିଲା ଥିଲେ। ଅନ୍ୟପକ୍ଷରେ ବିବାହ ଭୋଜିରେ ତାଙ୍କୁ ଖାଦ୍ୟ ଖାଇବାକୁ ମନା କରାଯାଇଥିଲା। ତେଣୁ ଫଟୋଗ୍ରାଫର ଏତେ ରାଗିଗଲେ ଯେ, ବରକନ୍ୟାଙ୍କ ଆଗରେ ସମସ୍ତ ବିବାହ ଫଟୋ ଡିଲିଟ୍ କରିଦେଲେ।
ଫଟୋଗ୍ରାଫର କହିଛନ୍ତି, ସେ ବୃତ୍ତିରେ ଫଟୋଗ୍ରାଫର ନୁହନ୍ତି। ସେ କୁକୁରମାନଙ୍କର ଯତ୍ନ ନିଅନ୍ତି ଏବଂ ସେମାନଙ୍କର ଫଟୋ ନିଜ ଇନଷ୍ଟାଗ୍ରାମ୍ ଏବଂ ଫେସବୁକ୍ ଆକାଉଣ୍ଟରେ ପୋଷ୍ଟ କରନ୍ତି । କିନ୍ତୁ ତାଙ୍କ ବନ୍ଧୁ ତାଙ୍କୁ ବିବାହରେ ଫଟୋ ଉଠାଇବାକୁ କହିଥିଲେ। ସେ ମନା କରିଦେଇଥିଲେ। ତଥାପି ତାଙ୍କ ବନ୍ଧୁ ତାଙ୍କୁ ଏହି କାମ କରିବାକୁ କହିଥିଲେ।
ଫଟୋଗ୍ରାଫର କହିଛନ୍ତି, ବିବାହରେ ୨୫୦ ଡଲାର (୧୮ ହଜାର ଟଙ୍କା)ରେ ଫଟୋ ଉଠାଇବା ପାଇଁ ଉଭୟଙ୍କ ମଧ୍ୟରେ ଚୁକ୍ତି ହୋଇଥିଲା। ଫଟୋଉଠା କାମ ବିବାହ ଦିନ ସକାଳ ୧୧ଟାରୁ ଆରମ୍ଭ ହୋଇ ରାତି ପ୍ରାୟ ୮ଟାରେ ଶେଷ ହୋଇଥିତ୍ଲା। ସନ୍ଧ୍ୟାରେ ଲୋକଙ୍କୁ ଖାଦ୍ୟ ପରିବେଷଣ କରାଯାଉଥିଲା। କିନ୍ତୁ ଫଟୋଗ୍ରାଫରଙ୍କ ପାଇଁ ଖାଇବା ନ ଥିଲା। ଏପରିକି ତାଙ୍କୁ ଖାଦ୍ୟ ଖାଇବା ପାଇଁ ମନା କରାଯାଇଥିଲା। ତାଙ୍କୁ ଲଗାତର ଫଟୋ ଉଠାଇବାକୁ କୁହାଯାଇଥିଲା।
କ୍ଳାନ୍ତ ହୋଇ ଫଟୋଗ୍ରାଫର ତାଙ୍କ ବନ୍ଧୁ ତଥା ବରଙ୍କୁ ଖାଦ୍ୟ ଏବଂ ପାନୀୟ ପାଇଁ ୨୦ ମିନିଟ୍ର ବିରତି ମାଗିଥିଲେ। ଏହା ପରେ ବର ଫଟୋଗ୍ରାଫରଙ୍କୁ କହିଥିଲେ, ସେ ଲଗାତର ଫଟୋ ନ ଉଠାଇଲେ ବିନା ଅର୍ଥରେ ଯିବାକୁ ପଡ଼ିବ। ଫଟୋଗ୍ରାଫର ଭୋକ, ଥକ୍କାପଣ ଏବଂ ଖରା ଯୋଗୁ ଅସୁବିଧାରେ ପଡ଼ିଥିଲେ। ଯେତେବେଳେ ବର ତାଙ୍କୁ କହିଲେ ବିନା ପଇସାରେ ଚାଲିଯିବାକୁ ପଡ଼ିବ, ସେ ଏତେ ବିରକ୍ତ ହେଲେ ଯେ ତାଙ୍କ ସାମ୍ନାରେ ଥିବା ସମସ୍ତ ଫଟୋ ଡିଲିଟ୍ କରିଦେଲେ।
