ବିବାହବେଳେ ବରକନ୍ୟା ଏକ ସିଂହ ଛୁଆ ସହ ଫଟୋଶୁଟ୍ କରିଛନ୍ତି। ସେହି ସିଂହ ଛୁଆକୁ ଡ୍ରଗ୍ସ ଦିଆଯାଇଥିବା ଜଣାପଡିଛି। ଘଟଣା ପାକିସ୍ତାନରେ ଦେଖିବାକୁ ମିଳିଥିବାବେଳେ ଫଟୋଗୁଡ଼ିକ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। ସିଂହଟି ବରକନ୍ୟାଙ୍କ ସହ ବସିଥିବା ଦେଖାଯାଇଛି। ଏ ନେଇ ପଞ୍ଜାବର ଓ୍ବାଇଲ୍ଡଲାଇଫ୍ ଡିପାର୍ଟମେଣ୍ଟ ପକ୍ଷରୁ ନୋଟିସ ଜାରିକରାଯିବା ସହ ସମ୍ପୃକ୍ତ ବିବାହ ଯୋଡିଙ୍କୁ ଖୋଜା ଚାଲିଛି। ବାହାଘରକୁ ନିଆରା କରିବା ସହ ପ୍ରସିଦ୍ଧ ହେବାକୁ ଉକ୍ତ ଦମ୍ପତି ଏଭଳି ଢଙ୍ଗରେ ସିଂହ ଛୁଆ ସହ ଫଟୋ ଉଠାଇଥିବା କୁହାଯାଉଛି।