କେନ୍ଦୁଝର,୪।୩(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ଘଟଗାଁ ରେଞ୍ଜ ଅଧୀନ ଦେଓବନ୍ଧ ସେକସନ୍ ରଘୁବେଡା ଅଞ୍ଚଳରୁ ଚୋରା କାଠ ନେଇ ଯାଉଥିବା ଏକ ପିକଅପ୍ ଭ୍ୟାନକୁ ବନ ବିଭାଗ ଧରଛି।
ମିଳିଥିବା ସୂଚନା ମୁତାବକ, କାଠ ଚୋରା ଚାଲାଣ ହେଉଥିବା ନେଇ ବନ ବିଭାଗକୁ ଖବର ମିଳିଥିଲା। ଏନେଇ ରେଞ୍ଜ ଅଧିକାରୀ ସରୋଜ ମିଶ୍ରଙ୍କ ନେତୃତ୍ୱରେ ବନ କର୍ମଚାରୀ ଚଢାଉ କରିଥିଲେ। ଚଢାଉ ବେଳେ ଅଧିକାରୀଙ୍କୁ ଦେଖି ଗାଡି ଛାଡି ଚାଳକଙ୍କ ସହ ଗାଡିରେ ଥିବା ଅନ୍ୟମାନେ ଫେରାର ହୋଇଯାଇଥିଲେ।
ବନ କର୍ମଚାରୀ ଘଟଣାସ୍ଥଳରେ ପହଞ୍ଚି ଭ୍ୟାନ(ନଂ.ଓଆର୍ ୨୨ଏଫ୍-୪୩୩୬)କୁ ଜବତ କରି ଯାଞ୍ଚ କରିଥିଲେ। ଯାଞ୍ଚ ବେଳେ ଅଧିକାରୀମାନେ ଭ୍ୟାନ୍ରୁ ୬ଖଣ୍ଡ କାଠ ଗଣ୍ଡି ଜବତ କରିଥିଲେ। ଏନେଇ ବନ ବିଭାଗ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ତଦନ୍ତ ପରେ ଘଟଣାରେ ସମ୍ପୃକ୍ତ ଥିବା କାଠ ମାଫିଆଙ୍କୁ ଗିରଫ କରାଯିବ ବୋଲି ବନ ବିଭାଗ ପକ୍ଷରୁ କୁହାଯାଇଛି।
