ବେଲଜିୟମ୍,୧୬।୧୧: ପାରା ଦାମ ପୁଣି ୧୩ କୋଟି ୪୦ ଲକ୍ଷ ଟଙ୍କା। ଏହା ଶୁଣିଲେ ଯେ କେହି ଆଶ୍ଚର୍ଯ୍ୟ ହେବା ସ୍ବାଭାବିକ। ତେବେ ବେଲଜିୟମ୍ରେ ନ୍ୟୁ କିମ୍ ନାମକ ୩ ବର୍ଷର ଏକ ପାରାକୁ ରବିବାର ଅନ୍ ଲାଇନ୍ରେ ନିଲାମ କରାଯାଇଛି। ଚାଇନାର ଜଣେ ଲୋକ ଏହି ପାରାକୁ କିଣିଛନ୍ତି ବୋଲି ପିଜନ ପରାଡ଼ାଇଜ୍ର ଅଧ୍ୟକ୍ଷ ନିକୋଲସ ସୂଚନା ଦେଇଛନ୍ତି। ଚାଇନାରେ ପାରା ଉଡ଼ାଇବା ପ୍ରତିଯୋଗୀତାରେ ନ୍ୟୁ କିମ୍ ଅଂଶଗ୍ରହଣ କରିବ। ସୂଚନାଯୋଗ୍ୟ, ଗତବର୍ଷ ୧୧ କୋଟି ଟଙ୍କାରେ ଏକ ପାରାକୁ ନିଲାମ କରାଯାଇଥିଲା। ତେବେ ଚଳିତ ବର୍ଷ ନ୍ୟୁ କିମ୍ ଏହି ରେକର୍ଡ ଭାଙ୍ଗିଥିବା ନିକୋଲସ୍ କହିଛନ୍ତି।