ବଲାଙ୍ଗୀର,୨୦।୨(ସୁନୀଲ କୁମାର ମହାନ୍ତି): ବଲାଙ୍ଗୀର- ସୋନପୁର ରାଜରାସ୍ତାର ସାତମାଇଲ ଛକଠାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ତୀର୍ଥଯାତ୍ରୀ ବସ ଧକ୍କାରେ ଜଣେ ବାଇକ ଆରୋହୀଙ୍କ ମୃତ୍ୟୁ ଘଟିଛି। ଏହି ଦୁର୍ଘଟଣାରେ ଜଣେ ଗୁରୁତର ଅଛନ୍ତି। ପୁଇଁତଲା ପୋଲିସ ଖବର ପାଇ ପହଞ୍ଚି ମୃତକଙ୍କୁ ବ୍ୟବଚ୍ଛେଦ ପାଇଁ ପଠାଇବା ସହ ଗୁରୁତରଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛି।
ମୃତକ ଜଣକ ଖାରି ଗାଁର ଘନଶ୍ୟାମ ପୋଢ଼ ଏବଂ ଗୁରୁତର ଯୁବକ ଜଣକ ଫକୀର ବିଶି ବୋଲି ଜଣାପଡିଛି । ଏଥିସହ ପୋଲିସ ବସଙ୍କୁ ଅଟକ ରଖିବା ସହ ଡ୍ରାଇଭରଙ୍କୁ ପଚାରଉଚରା କରୁଛି।
ବସ୍ଟି ରାଜ୍ୟ ସରକାରଙ୍କ ତୀର୍ଥଯାତ୍ରୀ ଯୋଜନାରେ ଯାତ୍ରୀଙ୍କୁ ପୁରୀ ଦର୍ଶନ ପାଇଁ ନେଉଥିବା ବେଳେ ଏହି ଦୁର୍ଘଟଣା ଘଟିଛି।