ଥିରୁଭାନନ୍ତପୁରମ,୨।୧୧: ଶନିବାର କେରଳର ଭାଜପା ନେତା ଶୋଭା ସୁରେନ୍ଦ୍ରନ ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କୁ ରାଜ୍ୟର ସବୁଠାରୁ ବଡ ଡନ୍ ବୋଲି ବର୍ଣ୍ଣନା କରିଛନ୍ତି। ଶୋଭା ସୁରେନ୍ଦ୍ରନ କହିଛନ୍ତି, ମୁଖ୍ୟମନ୍ତ୍ରୀ ବିଜୟନ ସ୍ପଷ୍ଟ ଭାବରେ କହିଛନ୍ତି ଯେ ସେ କେରଳରେ ମୋର ଉପସ୍ଥିତି ଚାହୁଁ ନାହାଁନ୍ତି। ସେ ମୋ ଉପରେ ବହୁତ ରାଗିଛନ୍ତି। ମୁଁ ତାଙ୍କ ଝିଇ ବୀଣା ବିଜୟନଙ୍କ ସମେତ ତାଙ୍କର ସମସ୍ତ ଜିନିଷ ଉପରେ ନଜର ରଖିଛି, ତେଣୁ ସେ ମୋ ବିରୁଦ୍ଧରେ ଅଛନ୍ତି। ବରିଷ୍ଠ କମ୍ୟୁନିଷ୍ଟ ପାର୍ଟି ଅଫ ଇଣ୍ଡିଆ-ମାର୍କ୍ସବାଦୀ (ସିପିଆଇ-ଏମ) ନେତା ଇପି ଜୟରାଜନଙ୍କ ପାଇଁ ମଧ୍ୟ ଏହା ପ୍ରଯୁଜ୍ୟ, ଯିଏ ମୋ ସହ ଭାଜପାରେ ଯୋଗଦେବା ବିଷୟରେ ଆଲୋଚନା କରିଥିଲେ।
ବାର୍ତ୍ତାଳାପ ସମୟରେ ଶୋଭା ସୁରେନ୍ଦ୍ର ଗଣମାଧ୍ୟମର ଏକ ବିଭାଗ ଉପରେ ଖୁବ ବର୍ଷିଛନ୍ତି। ଏପରିକି ସେ କେତେକ ଅନୁଷ୍ଠାନର ନାମ ନେଇଥିଲେ ଏବଂ ୨୦୨୧ରେ କୋଡକରା ହାୱାଲା ମାମଲାରେ ତାଙ୍କ ବିରୋଧରେ ମିଥ୍ୟା ଖବର ପ୍ରକାଶ କରୁଥିବା ଅଭିଯୋଗ କରିଥିଲେ। ଏହି ପ୍ରସଙ୍ଗରେ ଭାଜପା ନେତାଙ୍କ ସମ୍ପୃକ୍ତି ଥିବା ଜଣାପଡିଛି। ଚଳିତ ସପ୍ତାହ ଆରମ୍ଭରେ ଏହି ବିଷୟ ପୁଣି ଥରେ ଚର୍ଚ୍ଚାକୁ ଆସିଥିଲା।
ଶୋଭା କହିଛନ୍ତି ଯେ ଭାଜପାର ପୂର୍ବତନ ତ୍ରୀସୁର ଜିଲା କାର୍ଯ୍ୟାଳୟ ସଚିବ ତିରୁର ସତୀଶନଙ୍କ ସହ ତାଙ୍କର କୌଣସି ସମ୍ପର୍କ ନାହିଁ। ସେ ନିକଟରେ ପ୍ରକାଶ କରିଛନ୍ତି ଯେ କୋଡକରାରୁ ଚୋରି ହୋଇଥିବା ନଗଦ ଅର୍ଥ ରାଜ୍ୟ ନିର୍ବାଚନ ଖର୍ଚ୍ଚ ପାଇଁ ରାଜ୍ୟ ଭାଜପା ନେତାମାନେ ଗ୍ରହଣ କରିଥିବା ହାୱାଲା ଅର୍ଥର ଏକ ଅଂଶ। ଏଥିରେ କ୍ରୋଧିତ ଶୋଭା କହିଛନ୍ତି, ମୋର ଏହା ସହିତ କୌଣସି ସମ୍ପର୍କ ନାହିଁ। ମୋତେ ଟାର୍ଗେଟ କରାଯାଉଛି ଗଣମାଧ୍ୟମ ଦର୍ଶାଉଛି ଯେ ମୁଁ ତିରୁର ସତ୍ୟଶନଙ୍କ ପଛରେ ଅଛି। ମୁଁ ଏହାକୁ ବରଦାସ୍ତ କରିବି ନାହିଁ। ମୁଁ ଏହାର ଦୃଢ ଉତ୍ତର ଦେବି, କାରଣ ମୋର ଏହା ସହ କୌଣସି ସମ୍ପର୍କ ନାହିଁ।
