ମୁମ୍ବାଇ,୧।୪: ଆଇପିଏଲ୍ ୨୦୨୨ର ୮ମ ମୁକାବିଲା କୋଲକାତା ନାଇଟ ରାଇଡର୍ସ ଓ ପଞ୍ଜାବ କିଙ୍ଗ୍ସ ମଧ୍ୟରେ ଶୁକ୍ରବାର ଖେଳାଯାଉଛି। ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚ୍ରେ କୋଲକାତା ଅଧିନାୟକ ଶ୍ରେୟସ ଆୟର ଟସ ଜିତିଛନ୍ତି। ଏଥିସହ ସବୁ ଅଧିନାୟକଙ୍କ ଭଳି ସେ ମଧ୍ୟ ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି। ତାଜା ଅପ୍ଡେଟ୍ ଅନୁଯାୟୀ ମୟଙ୍କ ଅଗ୍ରୱାଲଙ୍କ ପଞ୍ଜାବ ପ୍ରଥମେ ବ୍ୟାଟିଂ କରି ୧୭ ଓଭରରେ ୮ ଉଇକେଟ ହରାଇ ୧୨୦ ରନ୍ କରିଛନ୍ତି।
ପ୍ରକାଶ ଯେ, କୋଲକାତା ତା’ର ପ୍ରଥମ ମ୍ୟାଚ୍ରେ ଚେନ୍ନାଇକୁ ହରାଇଥିଲା। କିନ୍ତୁ ଦ୍ୱିତୀୟ ମ୍ୟାଚ୍ରେ ଦଳ ଆରସିବିଠାରୁ ହାରି ଯାଇଥିଲା। ତେଣୁ ଆଜିର ମ୍ୟାଚ୍ ଜିତିବା କୋଲକାତା ପାଇଁ ବେଶ ଗୁରୁତ୍ୱପୂର୍ଣ୍ଣ। ପଞ୍ଜାବ ତା’ର ପ୍ରଥମ ମ୍ୟାଚ୍ରେ ଆରିସିବିକୁ ହରାଇଥିଲା।
ପଞ୍ଜାବ ଚୂଡ଼ାନ୍ତ ଏକାଦଶରେ ଗୋଟିଏ ପରିବର୍ତ୍ତନ କରିଛି। ଦଳକୁ ଅଭିଜ୍ଞ କାଗିସୋ ରାବଡା କମବ୍ୟାକ କରିଛନ୍ତି। ସନ୍ଦୀପ ଶର୍ମାଙ୍କ ବଦଳରେ ତାଙ୍କୁ ସୁଯୋଗ ମିଳିଛି। ସେହିଭଳି କୋଲକାତା ତା’ର ଚୂଡ଼ାନ୍ତ ଏକାଦଶରେ ଗୋଟିଏ ପରିବର୍ତ୍ତନ କରିଛି। ଉଇକେଟ କିପର ଶେଲଡନ ଜ୍ୟାକସନଙ୍କ ବଦଳରେ ଦ୍ରୁତ ବୋଲର ଶିବମ ମାଭିଙ୍କୁ ପୁଣି ସୁଯୋଗ ମିଳିଛି। ଅର୍ଥାତ ସାମ ବିଲଙ୍ଗସ ଉଇକେଟକିପର ଭୂମିକା ତୁଲାଇବେ। ସେହିପରି ଆନ୍ଦ୍ରେ ରସେଲ ମ୍ୟାଚ୍ରେ ବୋଲର ଅପେକ୍ଷା ବ୍ୟାଟ୍ସମ୍ୟାନ୍ ଭୂମିକାରେ ତୁଲାଇବେ। କାରଣ କୋଲକାତା ଦଳରେ ଜଣେ ଅତିରିକ୍ତ ବୋଲର ଭାବେ ମାଭିଙ୍କୁ ସୁଯୋଗ ଦେଇଛି।