ଓ୍ବାଶିଂଟନ,୭ା୪: ଫ୍ଲୋରିଡାର ଗଲ୍ଫ କୋଷ୍ଟ ନିକଟରେ ଏକ ବିମାନ ଦୁର୍ଘଟଣାଗ୍ରସ୍ତ ହେବାରୁ ୪ ଜଣଙ୍କର ମୃତ୍ୟୁ ଘଟିଥିବା ସ୍ଥାନୀୟ ପୋଲିସ ସୂଚନା ଦେଇଛି।
ବିମାନ ଦୁର୍ଘଟଣାରେ ପ୍ରାଣ ହରାଇଥିବା ଲୋକଙ୍କ ମଧ୍ୟରେ ଦୁଇ ମହିଳା ଥିଲେ। ବର୍ତ୍ତମାନ ପୋଲିସ ସମସ୍ତ ମୃତଦେହ ଉଦ୍ଧାର କରିଛି। ଭେନିସ ପୋଲିସର କ୍ୟାପଟେନ ଆଣ୍ଡି ଲାଇସେରିଙ୍ଗ କହିଛନ୍ତି, ଘଟଣାସ୍ଥଳରେ ଉପସ୍ଥିତ ଲୋକମାନେ ୯୧୧କୁ ଫୋନ କରି ବିମାନ ଦୁର୍ଘଟଣା ସମ୍ପର୍କରେ ସୂଚନା ଦେଇଛନ୍ତି।
ସୂଚନାଯୋଗ୍ୟ, ପାଇପର୍ ପିଏ-୩୨ ଆର୍ ବିମାନଟି ଭେନିସ ବିମାନବନ୍ଦରରୁ ଉଡ଼ାଣ କରି ପଶ୍ଚିମ ଦିଗରେ ମେକ୍ସିକୋ ଗଲ୍ଫରେ ୨୩ଫୁଟ ଉଚ୍ଚରୁ ପାଣିକୁ ଖସି ପଡ଼ିଥିଲା। ବିମାନ ଦୁର୍ଘଟଣାରେ ପ୍ରାଣ ହରାଇଥିବା ୪ ଜଣଙ୍କୁ ଅଧିକାରୀମାନେ ଚିହ୍ନଟ କରିଛନ୍ତି। ସେମାନେ ହେଲେ ଓ୍ବିଲିୟମ ଜେଫ୍ରି ଲମ୍ପକିନ(୬୪), ପାଟ୍ରିସିଆ ଲମ୍ପକିନ(୬୮) ରିକି ଜୋ ବିଭର(୬୦) ଏବଂ ଏଲିଜାବେଥ ଆନ୍ ବିଭର (୫୭)।
