ନୂଆଦିଲ୍ଲୀ, ୧୫।୧୧: ଆଇପିଏଲ୍ ଶେଷ ହେବା ପରେ ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ସିରିଜ୍ ଖେଳିବା ପାଇଁ ଭାରତୀୟ ଟିମ୍ ସିଡନୀ ଗସ୍ତ କରିଥିଲା। ଶନିବାର ଦଳ ପ୍ରଥମ ଆଉଟ୍ଡୋର ସେଶନ ଆରମ୍ଭ କରିଛି। ହେଲେ ଏହି ସମୟରେ ଉକ୍ତ ଅଞ୍ଚଳରେ ଏକ ଭୟଙ୍କର ବିମାନ ଦୁର୍ଘଟଣା ଘଟିଛି। ଭାରତୀୟ ଦଳ ରହୁଥିବା ହୋଟେଲଠାରୁ ପ୍ରାୟ ୩୦ କିମି ଦୂରରେ ଏହି ବିମାନ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡ଼ିଛି। ଏ ନେଇ ଜାଣିବା ପରେ ହୋଟେଲରେ ଭୟର ବାତାବରଣ ସୃଷ୍ଟି ହୋଇଛି।
ତେବେ ସିଡନୀର ଅଲିମ୍ପିକ ପାର୍କ ହୋଟେଲରେ ଭାରତୀୟ ଟିମ୍ର ଖେଳାଳିମାନଙ୍କ ସହ ସେଠାକାର ସ୍ଥାନୀୟ କ୍ରିକେଟର ଏବଂ ଫୁଟବଲର ଅଛନ୍ତି। ହେଲେ କ୍ରୋମର ପାର୍କରେ ଉକ୍ତ ବିମାନ ଦୁର୍ଘଟଣାଗ୍ରସ୍ତ ହୋଇଛି।
କ୍ରୋମର ପାର୍କ ନିକଟରେ କ୍ରିକେଟ ଏବଂ ଫୁଟବଲର ମ୍ୟାଚ୍ ଖେଳା ଯାଉଥିଲା। ବିମାନଟି ଯାଇ ଉକ୍ତ ପଡ଼ିଆରେ ଦୁର୍ଘଟଣାଗ୍ରସ୍ତ ହୋଇଥିଲା। ଖେଳାଳିମାନେ ବିମାନ ଆସିବା ଦେଖି ସେଠାରୁ ଦୌଡ଼ି ଜୀବନ ବଞ୍ଚାଇଥିଲେ। ପରେ ବିମାନଟି ଏକ ଫ୍ଲାଇଂ ସ୍କୁଲର ବୋଲି ଜଣାପଡ଼ିଥିଲା। ବିମାନରେ ଦୁଇଜଣ ଯାତ୍ରୀ ଥିବା ବେଳେ ସେମାନେ ସୁରକ୍ଷିତ ଅଛନ୍ତି। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
କହିରଖୁଛୁ, ସିଡନୀରେ ପହଞ୍ଚିବା ପରେ ଖେଳାଳିମାନେ ୪୮ ଘଣ୍ଟା କ୍ୱାରାଣ୍ଟାଇନରେ ରହିଥିଲେ। ଏହାପରେ ଶନିବାର ସେମାନେ ଆଉଟ୍ଡୋର ଅଭ୍ୟାସ ଆରମ୍ଭ କରିଥିଲେ। ନଭେମ୍ବର ୨୭ରେ ପ୍ରଥମ ଏକଦିବସୀୟ ମ୍ୟାଚ୍ ଖେଳାଯିବ।