ଟୋକିଓ,୧୪।୧: ଜାପାନରେ ୧୨୨ଜଣ ଯାତ୍ରୀଙ୍କୁ ଧରି ଯାଉଥିବା ଏକ ବିମାନ ଦୁର୍ଘଟଣାର ଶିକାର ହୋଇଛି। ପକ୍ଷୀ ମାଡ଼ ହେବାରୁ ବିମାନ ଇଞ୍ଜିନ୍ରେ ନିଆଁ ଲାଗିଯାଇଥିଲା। ହେଲେ ନିଆଁ ଲାଗିବାର ୧୩ ମିନିଟ୍ ମଧ୍ୟରେ ପାଇଲଟ୍ ବିମାନ୍କୁ ଇଂଚେଅନ ବିମାନ ବନ୍ଦରରେ ଜରୁରୀ ଅବତରଣ କରାଇଥିଲା। ଅବତରଣ ପରେ ବିମାନରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡିଛି। ସ୍ଥାନୀୟ ସମୟ ରାତି ୯.୩୦ରେ ଟୋକିଓସ୍ଥିତ ‘ନାରିଟା ଆନ୍ତର୍ଜାତିକ ବିମାନ ବନ୍ଦର’ରୁ ବିମାନଟି ଉଡାଣ ଆରମ୍ଭ କରି ଦକ୍ଷିଣ କୋରିଆର ଇଂଚେଅନ ଆନ୍ତର୍ଜାତିକ ବିମାନବନ୍ଦରକୁ ଆସୁଥିଲା। ସେତିକି ବେଳେ ବାଟରେ ବିମାନ ଇଞ୍ଜିନରେ ନିଆଁ ଲାଗି ଯାଇଥିଲା।
ଅନ୍ୟପକ୍ଷେ ବିମାନରେ ଯାଉଥିବା ଜଣେ ଯାତ୍ରୀ ଇଞ୍ଜିନରେ ନିଆଁ ଲାଗିବା, ବିସ୍ଫୋରଣ ଭଳି ଶବ୍ଦ ହେବାର ଦୃଶ୍ୟ ରେକର୍ଡ କରୁଥିବା ବେଳେ ପାଇଲଟ୍ ବିମାନଙ୍କୁ ଜରୁରୀ ଅବତରଣ କରାଇଥିଲେ।
