ବରଗଡ଼ ଅଫିସ, ୫।୧୦: ବରଗଡ଼-ସମ୍ବଲପୁର ରାସ୍ତାର ବରାହଗୋଡା ଟୋଲପ୍ଲାଜା (ଟୋଲ୍ଗେଟ)ର ୨କର୍ମଚାରୀ ଶୁଭମ ଦେ(୨୮) ଏବଂ ଅଭିଜିତ୍ଦାଶ(୨୭) ସୋମବାର ଭୀମସାର, ବୁର୍ଲା ଯାଇ ପ୍ଲାଜମା ଦାନ କରିଛନ୍ତି। ଏକ ମାସ ପୂର୍ବରୁ ଉଭୟେ କରୋନା (କୋଭିଡ-୧୯)ସଂକ୍ରମିତ ହୋଇଥିଲେ। ଚିକିତ୍ସା ପରେ ସେମାନେ ଆରୋଗ୍ୟ ଲାଭ ସହିତ ପ୍ଲାଜମା ଦାନ ପାଇଁ ଆଗ୍ରହ ପ୍ରକାଶ କରିଥିଲେ। ଏ ନେଇ ସେମାନେ ଅଶୋକା ଟୋଲ ୱେ ଲିମିଟେଡ ଏଜିଏମ୍ ପ୍ରଶାନ୍ତ ଯୋଷି ଏବଂ ଅନ୍ୟ ସ୍ବାସ୍ଥ୍ୟ ବିଭାଗୀୟ ଅଧିକାରୀଙ୍କୁ ଜଣାଇଥିଲେ। ସୋମବାର ସେମାନଙ୍କ ନିର୍ଦ୍ଦେଶକ୍ରମେ ଉଭୟେ ଭୀମସାର, ବୁର୍ଲାକୁ ଯାଇ ନିଜ ପ୍ଲାଜମା ଦାନ କରିଛନ୍ତି । ସେମାନଙ୍କ ଏଭଳି କାମକୁ ଟୋଲଗେଟ୍ ଅଧିକାରୀ ତଥା ଶୁଭେଚ୍ଛୁମାନେ ପ୍ରଶଂସା କରିଛନ୍ତି ।