କେନ୍ଦୁଝର,୨୯।୯(ସ୍ବ.ପ୍ର.): କେନ୍ଦୁଝର ଜିଲା ଘଟଗାଁ ବ୍ଲକ ଅର୍ଜୁନବିଲା ପ୍ରାଥମିକ ବିଦ୍ୟାଳୟରେ ଛାତର ପ୍ଲାଷ୍ଟର ଖସି ୬ ଜଣ ଛାତ୍ରୀଛାତ୍ର ଆହତ ହୋଇଛନ୍ତି। ପାଠ ପଢ଼ା ହେଉଥିବା ସମୟରେ ଏଭଳି ଘଟିଥିଲା। ଉକ୍ତ କ୍ଲାସରୁମଟିକୁ ସ୍ଥାନୀୟ ଲୋକ କିଛି ଦିନ ତଳେ ମରାମତି କରିଥିଲେ। ଏଣୁ ଉକ୍ତ ରୁମରେ ପଞ୍ଚମ ଶ୍ରେଣୀର ପିଲା ପାଠ ପଢୁଥିଲେ। ଛ୍ରାତ୍ରୀଛାତ୍ର ଏକ ବଡ ଦୁର୍ଘଟଣାରୁ ବର୍ତ୍ତି ଯାଇଥିଲେ ହେଁ ଏହାକୁ ନେଇ ଅଭିଭାବକମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଏ ନେଇ ବ୍ଲକ ଶିକ୍ଷା ଅଧିକାରୀ ତପଧର ସ୍ବାଇଁ, କହିଛନ୍ତି ଯେ, ଆହତ ପିଲାମାନଙ୍କୁ ଘଟଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଚିକିତ୍ସା କରାଯାଇଛି। ତେବେ ସେମାନେ ସମସ୍ତେ ଭଲ ଅଛନ୍ତି। ଏହି ଘଟଣାକୁ ନେଇ ପ୍ରଧାନ ଶିକ୍ଷୟିତ୍ରୀଙ୍କୁ ନୋଟିସ କରାଯିବ।