ପ୍ଲାଷ୍ଟର ଅଫ ପ୍ୟାରିସର ଗଣେଶ ମୂର୍ତ୍ତି ବିସର୍ଜନ କରା ଯାଇପାରିବ ନାହିଁ, କିନ୍ତୁ ବିକ୍ରି ହୋଇପାରିବ: ମାଡ୍ରାସ ହାଇକୋର୍ଟ…

ଚେନ୍ନାଇ,୧୭।୯ : ବାଣିଜ୍ୟ କରିବାର ଅଧିକାର ଏବଂ ପରିବେଶର ସୁରକ୍ଷା ମଧ୍ୟରେ ଏକ ସନ୍ତୁଳନ ରକ୍ଷା କରିବାକୁ ଚେଷ୍ଟା କରୁଥିବାବେଳେ ମାଡ୍ରାସ ହାଇକୋର୍ଟ କହିଛନ୍ତି ପ୍ୟାରିସର ପ୍ଲାଷ୍ଟରରେ ନିର୍ମିତ ଗଣେଶ ମୂର୍ତ୍ତି ବିକ୍ରୟ ଉପରେ ପ୍ରତିବନ୍ଧକ ଲଗାଯାଇପାରିବ ନାହିଁ। କିନ୍ତୁ ଏହାକୁ ବିସର୍ଜନ କରାଯାଇ ପାରିବ ନାହିଁ।

ମଦୁରାଇ ବେଞ୍ଚର ଜଷ୍ଟିସ ଜି.ଆର ସ୍ବାମୀନାଥନ ଗଣେଶଙ୍କ ମୂର୍ତ୍ତି ନିର୍ମାଣ କରୁଥିବା ରାଜସ୍ଥାନର ଜଣେ କାରିଗରଙ୍କୁ ଆଶ୍ୱସ୍ତି ପ୍ରଦାନ କରିଛନ୍ତି।

ଜିଲା କଲେକ୍ଟର ତଥା ପୋଲିସ କମିଶନରଙ୍କ ପରେ କାରିଗର କୋର୍ଟଙ୍କ ନିକଟରେ ପହଞ୍ଚିଥିଲେ। କାରଣ ଗଣେଶ ମୂର୍ତ୍ତି ବିକ୍ରୟ ପାଇଁ ତିରୁନେଲଭେଲିରେ ତାଙ୍କୁ ବାରଣ କରାଯାଇଥିଲା। ଜଣେ କାରିଗର ଭାବରେ ଆବେଦନକାରୀ ତାଙ୍କ ଦ୍ୱାରା ପ୍ରସ୍ତୁତ ସାମଗ୍ରୀ ବିକ୍ରୟ କରିବାର ଅଧିକାର ପାଇଛନ୍ତି ଏବଂ ଏହି ଅଧିକାର ଭାରତର ସମ୍ବିଧାନର ଧାରା ୧୯(୧) (ଜି) ଅନୁଯାୟୀ ନିଶ୍ଚିତ ହୋଇଛି।

ତେବେ ମୁର୍ତ୍ତି ବିସର୍ଜନ ଉପରେ ପ୍ରତିବନ୍ଧକ ଯୁକ୍ତିଯୁକ୍ତ ପ୍ରତିବନ୍ଧକ। ବିକ୍ରୟ ରୋକିବା ଆବେଦନକାରୀଙ୍କ ମୌଳିକ ଅଧିକାରର ଉଲ୍ଲଂଘନ ହେବ ବୋଲି କୋର୍ଟ କହିଛନ୍ତି।