ବ୍ରାସିଲିଆ,୧୬ା୩: ପରାନା ଫେଡେରାଲ ୟୁନିଭର୍ସିଟିର ଅନୁସନ୍ଧାନକାରୀମାନେ ବ୍ରାଜିଲର ଟ୍ରାଇଡେଣ୍ଟ ଦ୍ୱୀପରେ ଏକ ପ୍ଲାଷ୍ଟିକ ଚଟାଣ ଆବିଷ୍କାର କରିଛନ୍ତି। ଯାହା ଦେଖି ସେମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ଭୂବିଜ୍ଞାନୀମାନେ କହିଛନ୍ତି, ଏହାର କାରଣ ହେଉଛି ପ୍ରଦୂଷଣ, ସମୁଦ୍ରରେ ଆବର୍ଜନା ଏବଂ ସମୁଦ୍ରରେ ଭୁଲ୍ ଭାବରେ ପକାଯାଇଥିବା ପ୍ଲାଷ୍ଟିକ। ଅନୁସନ୍ଧାନକାରୀମାନେ କହିଛନ୍ତି, ଏହା ପୃଥିବୀରେ ମନୁଷ୍ୟକୃତର ପ୍ରଭାବ।
ସବୁଜ କଇଁଛ ପାଇଁ ଟ୍ରାଇଡେଣ୍ଟ ଦ୍ୱୀପ ପ୍ରସିଦ୍ଧ। ଟ୍ରାଇଡେଣ୍ଟରେ ଥିବା ଜଣେ ମାତ୍ର ବାସିନ୍ଦା ବ୍ରାଜିଲର ନୌସେନାର ସଦସ୍ୟ। ଯିଏ କି ଦ୍ୱୀପରେ କଇଁଛମାନଙ୍କୁ ସୁରକ୍ଷା ଦିଅନ୍ତି। ବିଶେଷଜ୍ଞମାନେ କହିଛନ୍ତି, ଏହି ଆବିଷ୍କାର ପୃଥିବୀରେ ମାନବ ଐତିହ୍ୟ ଉପରେ ପ୍ରଶ୍ନବାଚୀ ସୃଷ୍ଟି କରିଛି। ତରଳି ଯାଇଥିବା ପ୍ଲାଷ୍ଟିକ ଦ୍ୱୀପରେ ଥିବା ପଥର ଚଟାଣରେ ଅଟକି ରହିଥିବା ଦେଖିବାକୁ ମିଳିଛି।
ବୈଜ୍ଞାନିକମାନେ ଏହି ପଥରଗୁଡିକର ରାସାୟନିକ ପରୀକ୍ଷା କରିଥିଲେ। ଯେଉଁଥିରୁ ଜଣାପଡ଼ିଛି, ଏହି ‘ପ୍ଲାଷ୍ଟିଗ୍ଲୋମେରେଟ୍ସ’ ପ୍ଲାଷ୍ଟିକ ଅଟେ। ଯେତେବେଳେ ଦ୍ୱୀପରେ ତାପମାତ୍ରା ବଢ଼େ ସେତେବେଳେ ପ୍ଲାଷ୍ଟିକ ତରଳିଯାଏ ଏବଂ ସମୁଦ୍ର କୂଳର ପ୍ରାକୃତିକ ପଦାର୍ଥରେ ଲାଗିଥାଏ।