ନୂଆଦିଲ୍ଲୀ,୮।୯: ବିଶ୍ୱକପ୍ ଟି-୨୦ ଆରମ୍ଭ ହେବାକୁ ଆଉ କିଛି ସପ୍ତାହ ବାକି। ଅକ୍ଟୋବର-ନଭେମ୍ବରରେ ଏହି ଟୁର୍ନାମେଣ୍ଟ ୟୁଏଇରେ ଖେଳାଯିଏ। ଏଥିରେ ଭାଗ ନେବାକୁ ଥିବା ଦଳମାନେ ଏବେଠାରୁ ପ୍ରସ୍ତୁତି ଆରମ୍ଭ କରିଦେଲେଣି। କିଛି ଦେଶ ବିଶ୍ୱକପ୍ ଲାଗି ନିଜର ଟିମ୍ ମଧ୍ୟ ଘୋଷଣା କରିଛନ୍ତି। ଏବେ କ୍ରିକେଟ ପ୍ରଶଂସକମାନେ ଭାରତର ଟିମ୍ ଅପେକ୍ଷାରେ ଅଛନ୍ତି। କୁହାଯାଉଛି ଆଜି ଅର୍ଥାତ ବୁଧବାର ରାତି ୯ଟାରେ ଏନେଇ ଘୋଷଣା ହୋଇପାରେ। ଆସନ୍ତୁ ଜାଣିବା ଭାରତୀୟ ଦଳରେ କେଉଁ ଖେଳାଳିଙ୍କୁ ସୁଯୋଗ ମିଳିପାରେ?
ଆସନ୍ତା ବିଶ୍ୱକପ୍ରେ ବିରାଟ କୋହଲି ଅଧିନାୟକ ଦାୟିତ୍ୱ ସମ୍ଭାଳିବେ। ଓପନର ରୋହିତ ଶର୍ମା ଉପଅଧିନାୟକ ହେବେ। କେଏଲ୍ ରାହୁଲ ଏବଂ ରୋହିତ ଭାରତ ପାଇଁ ଓପନିଂ କରିପାରନ୍ତି। ତୃତୀୟ ଦିନ ଓପନର ଭାବେ ଶିଖର ଧାଓ୍ବନ ଅଥବା ପୃଥ୍ବୀ ଶ’ଙ୍କୁ ସୁଯୋଗ ମିଳିପାରେ। କୋହଲି ତୃତୀୟ ସ୍ଥାନରେ ଓହ୍ଲାଇପାରନ୍ତି।
ସମ୍ଭାବିତ ଟିମ୍:
ବିରାଟ କୋହଲି(ଅଧିନାୟକ), ରୋହିତ ଶର୍ମା(ଉପଅଧିନାୟକ), କେଏଲ୍ ରାହୁଲ, ଶିଖର ଧାଓ୍ବନ୍/ପୃଥ୍ବୀ ଶ’, ସୂର୍ଯ୍ୟକୁମାର ଯାଦବ, ଶ୍ରେୟସ ଆୟାର, ଋଷଭ ପନ୍ତ, ରବିନ୍ଦ୍ର ଜାଡେଜା, ୟୁଜବେନ୍ଦ୍ର ଚହଲ, ଜସପ୍ରିତ ବୁମ୍ରା, ଦୀପକ ଚାହର, ହାର୍ଦ୍ଦିକ ପାଣ୍ଡ୍ୟା, ଶାର୍ଦ୍ଦୁଳ ଠାକୁର, ଟି ନଟରାଜନ, ଭୁବନେଶ୍ୱର କୁମାର।