ୟୁଏଇ,୨୩।୯: ଦିଲ୍ଲୀ କ୍ୟାପିଟାଲ୍ସର ନିର୍ଭରଯୋଗ୍ୟ ବ୍ୟାଟ୍ସମ୍ୟାନ ଶ୍ରେୟାସ ଆୟାର ଅଧିନାୟକ ପଦକୁ ନେଇ ନିଜ ମତ ପ୍ରକାଶ କରିଛନ୍ତି। ଆୟର୍ କହିଛନ୍ତି ଯେ, ସେ ଇଣ୍ଡିଆନ ପ୍ରିମିୟର ଲିଗ (ଆଇପିଏଲ ୨୦୨୧) ରେ ଦିଲ୍ଲୀ ଅଧିନାୟକ ରିଷଭ ପନ୍ତଙ୍କୁ ଭଲ ପାଆନ୍ତି କିନ୍ତୁ ୨୦୨୧ ସିଜନ ଶେଷ ପର୍ଯ୍ୟନ୍ତ ରିଷଭ ପନ୍ତଙ୍କୁ ଅଧିନାୟକ ଭାବରେ ରଖିବା ପାଇଁ ଦଳର ପରିଚାଳନା ନିଷ୍ପତ୍ତିକୁ ସମ୍ମାନ ଦିଅନ୍ତି। ଆୟର୍ ଆଇପିଏଲ ୨୦୨୦ରେ ଦିଲ୍ଲୀକୁ ଫାଇନାଲକୁ ନେଇଥିଲେ କିନ୍ତୁ କାନ୍ଧରେ ଆଘାତ ହେତୁ ଚଳିତ ବର୍ଷ ଟୁର୍ନାମେଣ୍ଟର ପ୍ରଥମ ପର୍ଯ୍ୟାୟରୁ ବଞ୍ଚିତ ହୋଇଥିଲେ। ଏହା ପରେ ଦଳ ପରିଚାଳନା ପନ୍ତଙ୍କୁ ଅଧିନାୟକ ଭାବରେ ନିଯୁକ୍ତ କରିଥିଲା।
କରୋନା କାରଣରୁ ମେ ମାସରେ ସ୍ଥଗିତ ରଖାଯାଇଥିବା ଆଇପିଏଲ ପ୍ରତ୍ୟାବର୍ତ୍ତନ କଲାବେଳେ ୨୬ ବର୍ଷିୟ ଆୟାର ପ୍ରତ୍ୟାବର୍ତ୍ତନ କରିଥିଲେ କିନ୍ତୁ ଦିଲ୍ଲୀ ପନ୍ତଙ୍କୁ ଅଧିନାୟକ ଭାବରେ ରଖିଥିଲେ। ସନରାଇଜର୍ସ ହାଇଦ୍ରାବାଦ ବିପକ୍ଷ ବିଜୟରେ ୪୭ର ଆକ୍ରମଣାତ୍ମକ ଇନିଂସ ଖେଳିଥିବା ଆୟାର କହିଛନ୍ତି ଯେ, ସେ ଦଳର ନୀତି ବୁଝନ୍ତି, ଏନେଇ ତାଙ୍କର କୌଣସି ଅଭିଯୋଗ ନାହିଁ। ଅଧିନାୟକ ଦାୟିତ୍ୱ ଦିଆଯିବା ପରେ ମୋର ନିଷ୍ପତ୍ତି ନେବା କ୍ଷମତା ଏବଂ ସହନଶୀଳତା ସ୍ତର ବହୁତ ବଢିଥିଲା। ଫ୍ରାଞ୍ଚାଇଜ୍ର ନିଷ୍ପତ୍ତି ଏବଂ ସେମାନେ ଯାହା ନିଷ୍ପତ୍ତି ନେଇଛନ୍ତି ମୁଁ ତାକୁ ସମ୍ମାନ କରୁଛି। ବର୍ତ୍ତମାନ ମୁଁ ବ୍ୟାଟିଂ ଉପରେ ଅଧିକ ଧ୍ୟାନ ଦେଉଛି ବୋଲି ସେ କହିଛନ୍ତି।
