ପାକିସ୍ତାନର ପୂର୍ବତନ ଦ୍ରୁତ ବୋଲର ଶୋଏବ ଅଖତର ଏକ ସାକ୍ଷାତକାରରେ ଦାବି କରିଛନ୍ତି ଯେ ଶ୍ରୀଲଙ୍କା ମହାନ ଖେଳାଳି ତାଙ୍କୁ ବାଉନ୍ସର୍ ନ ପକାଇବାକୁ ଅନୁରୋଧ କରିଥିଲେ। ସେହି ଖେଳାଳି ଜଣଙ୍କ ହେଉଛନ୍ତି, ୮୦୦ ଉଇକେଟ ନେଇଥିବା ମୁଥିୟା ମୁରଲିଥରନ୍। ଅଖତର କହିଛନ୍ତି ଯେ, ଥରେ ମୁରଲିଥରନ ତାଙ୍କୁ କହିଥିଲେ, ଦୟାକରି ମୋତେ ହତ୍ୟା କର ନାହିଁ। ଶୋଏବ ଅଖତର ସାକ୍ଷାତକାରରେ କହିଛନ୍ତି ଯେ ମୁରଲୀଧରନଙ୍କୁ ବୋଲିଂ କରିବା ସବୁଠାରୁ କଷ୍ଟସାଧ୍ୟ ଅଟେ। ମୁଁ ଥଟ୍ଟା କରୁନାହିଁ, ଏହା ସତ୍ୟ। କାରଣ ସେ ଥରେ କହିଥିଲେ ମୋତେ ବାଉନ୍ସର ପକାଅ ନାହିଁ ମୁଁ ମରିଯିବି। ମୋ ଉପରକୁ ବଲ୍ ପକାଇବ,ମୁଁ ନିଜେ ତୁମକୁ ମୋ ଉଇକେଟ୍ ଦେଇଦେବି। କିନ୍ତୁ ଯେବେ ତାଙ୍କ ଉପରକୁ ବଲ୍ ପକାଉଥିଲି ସେ ସେ ଏତେ ଜୋର ପ୍ରହାର କରୁଥିଲେ ଯେ ଚୌକା ହୋଇଯାଉଥିଲା। ଚୌକା ମାରି ମୋତେ କହୁଥିଲେ ମୁଁ ଭୁଲ୍ରେ ମାରିଦେଲି।
ସୂଚନାଯୋଗ୍ୟ, ସୋଏବ ଅଖତରଙ୍କ ନାଁରେ ବିଶ୍ୱର ସବୁଠୁ ଦ୍ରୁତତମ ବଲ୍ ପକାଇବାର ରେକର୍ଡ ରହିଛି। ୨୦୦୩ରେ ସେ ଇଂଲଣ୍ଡ ବିପକ୍ଷରେ ୧୬୧.୩ କିମି ବେଗରେ ଏକ ବଲ୍ ପକାଇଥିଲେ।
