ଭୁବନେଶ୍ୱର,୧୬।୮(ବ୍ୟୁରୋ): ମାଟ୍ରିକ ମାର୍କ ଆଧାରରେ ମୂଲ୍ୟାୟନ ଦାବିରେ ସୋମବାର ଉଚ୍ଚ ମାଧ୍ୟମିକ ଶିକ୍ଷା ପରିଷଦ କାର୍ଯ୍ୟାଳୟ ସମ୍ମୁଖରେ ଯୁକ୍ତ ୨ ଏକ୍ସ ରେଗୁଲାର ଛାତ୍ରୀଛାତ୍ର ବିକ୍ଷୋଭ ପ୍ରଦର୍ଶନ କରିଛନ୍ତି। ସେମାନେ କହିଛନ୍ତି ରେଗୁଲାର ପିଲାଙ୍କୁ ଯଦି ମାଟ୍ରିକ ମୂଲ୍ୟ ଆଧାରରେ ମାର୍କ ଦିଆଗଲା ଆମକୁ କ’ଣ ପାଇଁ ନୁହେଁ। ଆମେ ପାଠ ପଢ଼ା ଛାଡ଼ିଲୁଣି । ହଠାତ ପରୀକ୍ଷା ଦିଅ କହିଲେ କିପରି ଦେବୁ । ଆମକୁ ବି ମାଟ୍ରିକ ଆଧାରରେ ମାର୍କ ଦିଅ, ନଚେତ ଆମେ ହାଇକୋର୍ଟ, ସୁପ୍ରିମ କୋର୍ଟ ଯିବୁ। ସରକାରଙ୍କୁ ଏପରି ଖୋଲାଖୋଲି ଧମକ ଦେଇଛନ୍ତି ଯୁକ୍ତ ୨ ଏକ୍ସ ରେଗୁଲାର ଛାତ୍ରୀଛାତ୍ର।
ଗତ ବର୍ଷ ଅର୍ଥାତ ୨୦୨୦ରେ ସ୍ବାସ୍ଥ୍ୟ ସମସ୍ୟା କାରଣରୁ ପରୀକ୍ଷା ଦେଇପାରିନଥିବା ଛାତ୍ରୀଛାତ୍ର ଓ ସେମାନଙ୍କ ଅଭିଭାବକମାନେ ପରିଷଦ କାର୍ଯ୍ୟାଳୟ ଆଗରେ ବିକ୍ଷୋଭ କରୁଛନ୍ତି ।