ନୂଆଦିଲ୍ଲୀ,୨୪।୧୦: ଦେଶର କୋଟି କୋଟି କୃଷକ ଭାରତ ସରକାରଙ୍କ ଉଚ୍ଚାଭିଳାଷୀ ଯୋଜନା ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନାରେ ଉପକୃତ ହେଉଛନ୍ତି । ପ୍ରତିବର୍ଷ ଏହି ଯୋଜନା ଅଧୀନରେ ୬ ହଜାର ଟଙ୍କା କୃଷକଙ୍କ ଆକାଉଣ୍ଟକୁ ଟ୍ରାନ୍ସଫର ହୋଇଥାଏ। ୬ ହଜାର ଟଙ୍କାକୁ ଗୋଟିଏ ବର୍ଷରେ ତିନି କିସ୍ତିରେ ଜାରି କରାଯାଏ। ପ୍ରତ୍ୟେକ କିସ୍ତି ଅନୁଯାୟୀ ଚାଷୀଙ୍କ ବ୍ୟାଙ୍କ ଆକାଉଣ୍ଟକୁ ୨ ହଜାର ଟଙ୍କା ପଠାଯାଏ। ବର୍ତ୍ତମାନ ପର୍ଯ୍ୟନ୍ତ କୃଷକମାନେ ସମୁଦାୟ ୧୪ କିସ୍ତିର ଲାଭ ପାଇଛନ୍ତି। ୧୪ କିସ୍ତି ପାଇବା ପରେ କୃଷକମାନେ ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନାର ୧୫ ତମ କିସ୍ତି ପାଇଁ ଅପେକ୍ଷା କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ କିସାନ ଯୋଜନାର ୧୫ ତମ କିସ୍ତି ବିଷୟରେ ଏକ ଅପଡେଟ୍ ଆସିଛି। ଜାଣନ୍ତୁ ଭାରତ ସରକାର କେବେ ପ୍ରଧାନମନ୍ତ୍ରୀ କିସାନ ଯୋଜନାର ୧୫ ତମ ଦେବେ।
ମିଡିଆ ରିପୋର୍ଟ ଅନୁଯାୟୀ, ସରକାର ନଭେମ୍ବର ମାସରେ ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନାର ୧୫ ତମ କିସ୍ତି ଜାରି କରିପାରନ୍ତି। ସୂଚନାଯୋଗ୍ୟ ଯେ କିସ୍ତି ଟଙ୍କା ରିଲିଜ ସମ୍ପର୍କରେ ସରକାର ଏ ପର୍ଯ୍ୟନ୍ତ କୌଣସି ସରକାରୀ ଘୋଷଣା କରିନାହାଁନ୍ତି।
ଯଦି ଆପଣ ଜାଣିବାକୁ ଚାହାଁନ୍ତି ଆପଣଙ୍କ ଆକାଉଣ୍ଟକୁ ଟଙ୍କା ଆସିବ କି ନାହିଁ? ଏ ବିଷୟରେ ଜାଣିବା ପାଇଁ, ହିତାଧିକାରୀ ତାଲିକାରେ ତୁମର ନାମ ଯାଞ୍ଚ କରିବାକୁ ପଡ଼ିବ। ଏଥିପାଇଁ ସର୍ବପ୍ରଥମେ ପିଏମ କିସାନର ଅଫିସିଆଲ ଓ୍ବେବସାଇଟ pmkisan.gov.inରେ ଦେଖିପାରିବେ।