ଜୟପୁର,୨୭।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ରାଜସ୍ଥାନର ସିକରରେ ପହଞ୍ଚି ବିଭିନ୍ନ ବିକାଶମୂଳକ ପ୍ରକଳ୍ପର ଉଦ୍ଘାଟନ କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ ମୋଦି ବିରୋଧୀ ଦଳ ‘ଇଣ୍ଡିଆ’ ଉପରେ ବର୍ଷିଛନ୍ତି। ପ୍ରଧାନମନ୍ତ୍ରୀ କହିଛନ୍ତି, ସୀମିର ନାମ ମଧ୍ୟ ମଧ୍ୟ ‘ଇଣ୍ଡିଆ’ଥିଲା, ଯାହାର ନାମ ବଦଳାଯାଇ ପିଏଫ୍ଆଇ କରାଯାଇଥିଲା।
ପ୍ରଧାନମନ୍ତ୍ରୀ ମୋଦି କହିଛନ୍ତି, ବିରୋଧୀମାନେ ମେଣ୍ଟର ନାମ ପରିବର୍ତ୍ତନ କରିଛନ୍ତି ଯାହା ଦ୍ୱାରା ସେମାନେ ସେମାନଙ୍କର କଳା କାରନାମା ଲୁଚାଇ ପାରିବେ। ମୋଦି କହିଛନ୍ତି, କଂଗ୍ରେସର ଅର୍ଥ ଲୁଟ୍ ବଜାର। ଗଣତନ୍ତ୍ରରେ ପ୍ରତ୍ୟେକ ସରକାର ନିଜ କାର୍ଯ୍ୟର ହିସାବ ଦେବାକୁ ପଡିବ, କିନ୍ତୁ ରାଜସ୍ଥାନରେ କଂଗ୍ରେସ ଏହାର କାର୍ଯ୍ୟର ହିସାବ ଦେବ ଦେଇପାରିବ କି? ପାରସ୍ପରିକ କଳହରେ, ସର୍ବୋଚ୍ଚତା ସଂଗ୍ରାମରେ ସେମାନେ ମୂଲ୍ୟବାନ ସମୟ ନଷ୍ଟ କଲେ।
ପ୍ରଧାନମନ୍ତ୍ରୀ ଆହୁରି କହିଛନ୍ତି, ରାଜସ୍ଥାନରେ ଦଳିତଙ୍କ ଉପରେ ଅତ୍ୟାଚାର ଚରମ ସୀମାରେ ରହିଛି। ନିଶା କାରବାର ବୃଦ୍ଧି ପାଉଛି। ଆମର ତିଜ ପର୍ବ ଉପରେ ଏକ ବିପଦ ଆସୁଛି। କେବେ ପଥର ଫିଙ୍ଗିବା ଆରମ୍ଭ, କେତେବେଳେ ଗୁଳି ଚାଲିବା, କେବେ କର୍ଫ୍ୟୁ ଲାଗୁ ହେବ ତାହା କେହି ଜାଣି ନାହାଁନ୍ତି।