ନୂଆଦିଲ୍ଲୀ,୨୨।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଗୋଆରେ ଜି-୨୦ ଶକ୍ତି ମନ୍ତ୍ରୀଙ୍କ ବୈଠକକୁ ଭିଡିଓ କନଫରେନସିଂ ଜରିଆରେ ସମ୍ବୋଧିତ କରିଛନ୍ତି। ଏହି ସମୟରେ ସେ କହିଛନ୍ତି କି ଦେଶରେ ଆମେ ଗତ ୯ ବର୍ଷରେ ୧୯୦ ମିଲିୟନରୁ ଅଧିକ ପରିବାରକୁ ଏଲପିଜି ସହ ଯୋଡିଛୁ। ଏହାସହ ଆମେ ପ୍ରତିଟି ଗାଁକୁ ବିଜୁଳି ସଂଯୋଗ ଦେଇ ଏକ ଐତିହାସିକ ମାଇଲଖୁଣ୍ଟ ଠିଆ କରିଛୁ।
ପ୍ରଧାନମନ୍ତ୍ରୀ କହିଛନ୍ତି ଯେ ଆମେ ମଧ୍ୟ ପାଇପ ରନ୍ଧନ ଗ୍ୟାସ ଯୋଗାଇବା ପାଇଁ କାର୍ଯ୍ୟ କରୁଛୁ। ଆମର ପ୍ରୟାସ ହେଉଛି ସମସ୍ତଙ୍କ ପାଇଁ ଅନ୍ତର୍ଭୂକ୍ତ, ନମନୀୟ, ସମାନ ଏବଂ ନିରନ୍ତର ଶକ୍ତି ପାଇଁ କାର୍ଯ୍ୟ କରିବା। ଛୋଟ ପଦକ୍ଷେପଗୁଡିକ ବଡ଼ ଫଳାଫଳ ଦେଇଥାଏ।
ପ୍ରଧାନମନ୍ତ୍ରୀ କହିଛନ୍ତି ଯେ ସବୁଜ ବିକାଶ ଏବଂ ଶକ୍ତି ପରିବର୍ତ୍ତନ ପାଇଁ ଭାରତ ବହୁତ ଚେଷ୍ଟା କରୁଛି। ଭାରତ ହେଉଛି ବିଶ୍ୱର ସବୁଠାରୁ ଅଧିକ ଜନସଂଖ୍ୟା ବିଶିଷ୍ଟ ଦେଶ ଏବଂ ଦ୍ରୁତ ଅଭିବୃଦ୍ଧିଶୀଳ ବୃହତ ଅର୍ଥନୀତ। ତଥାପି ଆମେ ଆମର ଜଳବାୟୁ ପ୍ରତିଶ୍ରୁତି ଉପରେ ଦୃଢ ଭାବରେ ଆଗକୁ ବଢୁଛ।
ଆମେ ଚଳିତ ବର୍ଷ ୨୦ ପ୍ରତିଶତ ଇଥାନଲ ମିଶ୍ରିତ ପେଟ୍ରୋଲର ରୋଲଆଉଟ ଆରମ୍ଭ କରିଛୁ। ଆମେ ୨୦୨୫ ସୁଦ୍ଧା ସମଗ୍ର ଦେଶକୁ କଭର କରିବାକୁ ଲକ୍ଷ୍ୟ ରଖିଛୁ। ଟେକ୍ନୋଲୋଜି ବ୍ୟବଧାନକୁ ଦୂର କରିବା, ଶକ୍ତି ନିରାପତ୍ତାକୁ ପ୍ରୋତ୍ସାହିତ କରିବା ଏବଂ ଯୋଗାଣ ଶୃଙ୍ଖଳାକୁ ବିବିଧ କରିବା ପାଇଁ ଆମକୁ କାର୍ଯ୍ୟ କରିବାକୁ ପଡିବ ବୋଲି ପ୍ରଧାନମନ୍ତ୍ରୀ କହିଛନ୍ତି।