ନୂଆଦିଲ୍ଲୀ, ,୮।୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ଜନତାଙ୍କୁ ଆଉ ଏକ ଗ୍ୟାରେଣ୍ଟି ଦେଇଛନ୍ତି। ଶୁକ୍ରବାର ପ୍ରଧାନମନ୍ତ୍ରୀ ସୋସିଆଲ ମିଡ଼ିଆ ପ୍ଲାର୍ଟଫର୍ମ ଏକ୍ସ’ରେ ଏକ ପୋଷ୍ଟ କରି କହିଛନ୍ତି, ”ଜନସାଧାରଣଙ୍କଠାରୁ ଯାହା ଲୁଟ୍ ହୋଇଛି, ଗୋଟିଏ ଗୋଟିଏ ଟଙ୍କା ଫେରସ୍ତ କରିବାକୁ ପଡ଼ିବ, ଏହା ହେଉଛି ମୋଦିର ଗ୍ୟାରେଣ୍ଟି।” ଝାଡ଼ଖଣ୍ଡର ପୂର୍ବତନ କଂଗ୍ରେସ ରାଜ୍ୟ ସଭା ଏମପି ଧୀରଜ ସାହୁଙ୍କ ବିଭିନ୍ନ ଘରେ ଆୟକର ବିଭାଗ ଚଢ଼ାଉ ସମ୍ପର୍କିତ ସୋସିଆଲ ମିଡିଆରେ ଏହି ଖବର ସେୟାର କରି ପ୍ରଧାନମନ୍ତ୍ରୀ ଏହା କହିଛନ୍ତି।
ପ୍ରଧାନମନ୍ତ୍ରୀ ଲେଖିଛନ୍ତି, ”ଦେଶବାସୀ ଏହି ଟଙ୍କାର ପାହାଡ଼କୁ ଦେଖିବା ଉଚିତ ଏବଂ ତା’ପରେ ସେମାନଙ୍କ ନେତାଙ୍କ ସଚ୍ଚୋଟ ‘ବକ୍ତବ୍ୟ’ ଶୁଣିବା ଉଚିତ୍ …. ଜନସାଧାରଣଙ୍କଠାରୁ ଲୁଟ୍ ହୋଇଥିବା ପ୍ରତ୍ୟେକ ଟଙ୍କା ଫେରାଇବାକୁ ପଡ଼ିବ ଏହା ହେଉଛି ମୋଦିର ଗ୍ୟାରେଣ୍ଟି।”
देशवासी इन नोटों के ढेर को देखें और फिर इनके नेताओं के ईमानदारी के 'भाषणों' को सुनें… 😂😂😂
जनता से जो लूटा है, उसकी पाई-पाई लौटानी पड़ेगी, यह मोदी की गारंटी है।
❌❌❌💵 💵 💵❌❌❌ pic.twitter.com/O2pEA4QTOj
— Narendra Modi (@narendramodi) December 8, 2023
ସୂଚନାଯୋଗ୍ୟ, ଝାଡ଼ଖଣ୍ଡରୁ କଂଗ୍ରେସ ରାଜ୍ୟ ସଭା ଏମପି ଥିବା ଧୀରଜ ସାହୁଙ୍କର ବିଭିନ୍ନ ସ୍ଥାନରେ ଥିବା ଘରେ ଏବଂ ବ୍ୟବସାୟ ପ୍ରତିଷ୍ଠାନରେ ଆୟକର ଚଢ଼ାଉ ଜାରି ରହିଛି। ଏହି ଚଢ଼ାଉରେ ଏପର୍ଯ୍ୟନ୍ତ ୨୦୦ କୋଟି ଟଙ୍କା ନଗଦ ନୋଟ ଆକାରରେ ମିଳିଥିବା କୁହାଯାଉଛି। ଏହି ସମୟରେ ବିପୁଳ ପରିମାଣର ଟଙ୍କା ଜବତ ହେଉଥିବାରୁ ଆୟକର ବିଭାଗ ବଡ଼ ବଡ଼ ମେସିନ ବ୍ୟବହାର କରୁଛନ୍ତି।
