ଅହମଦାବାଦ,୧୨ ।୧୨: ଗୁଜରାଟ ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି(ଭାଜପା)ର ଐତିହାସିକ ବିଜୟ ପରେ ପୁଣିଥରେ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି ଭୁପେନ୍ଦ୍ର ପଟେଲ । ଏହି ଶପଥ ଗ୍ରହଣ ସମାରୋହ ସୋମବାର ଆର୍ଥାତ୍ ୧୨ ଡିସେମ୍ବରରେ ଆୟୋଜନ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଶପଥ ଗ୍ରହଣ ସମାରୋହରେ ଯୋଗ ଦେବାର କାର୍ଯ୍ୟକ୍ରମ ରହିଛି । ହେଲେ ଏହା ପୂର୍ବରୁ ଅର୍ଥାତ୍ ରବିବାର ବିଳମ୍ବିତ ରାତିରେ ମୋଦି ଅହମଦାବାଦ ପହଞ୍ଚିଛନ୍ତି । ସେଠାରେ ପହଞ୍ଚିବା ପରେ ବିଳମ୍ବିତ ରାତିରେ ସେ ରୋଡ ଶୋ’ ବି କରିଛନ୍ତି ।
ବିଳମ୍ବିତ ରାତି ହୋଇଥିଲେ ବି ମୋଦିଙ୍କୁ ଦେଖିବାକୁ ଲୋକଙ୍କ ଭିତରେ ଉତ୍ସାହ ଦେଖିବାକୁ ମିଳିଥିଲା । ଶୀତ କାକରରେ ଲୋକେ ରାସ୍ତା କଡରେ ଠିଆ ହୋଇ ରହିଥିଲେ ମୋଦିଙ୍କୁ ଦେଖିବା ପାଇଁ । ତେବେ ବିଳମ୍ବିତ ରାତିରେ ମୋଦିଙ୍କ ନାଇଟ ଶୋ’ ହିଟ ହୋଇଥିବା କୁହାଯାଉଛି । ଏହି ସମୟରେ ମୋଦି ରାସ୍ତା କଡରେ ଠିଆ ହୋଇଥିବା ଜନତାଙ୍କ ଅଭିବାଦନ ସ୍ୱୀକାର କରିବା ସହ ସେମାନଙ୍କୁ ଧନ୍ୟବାଦ ଦେଇଥିଲେ ।