ନୂଆଦିଲ୍ଲୀ,୬।୯: ରାଜଧାନୀ ଦିଲ୍ଲୀରେ ଚଳିତ ସପ୍ତାହରେ ୯-୧୦ ସେପ୍ଟେମ୍ବରକୁ ଜି-୨୦ ଶିଖର ସମ୍ମିଳନୀ ଆୟୋଜିତ ହେବାକୁ ଯାଉଛି। ବୈଦେଶିକ ମନ୍ତ୍ରଣାଳୟ ଏହି ଶିଖର ସମ୍ମିଳନୀ ପୂର୍ବରୁ ‘ଜି ୨୦ ଇଣ୍ଡିଆ’ ଆପ ନାମକ ମୋବାଇଲ ଆପ୍ଲିକେଶନ ଲଞ୍ଚ କରିଛି।
ଏହାକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଧବାର ସମସ୍ତ ମନ୍ତ୍ରୀଙ୍କୁ ‘ଜି -୨୦ ଇଣ୍ଡିଆ’ ମୋବାଇଲ ଆପ ଡାଉନଲୋଡ କରିବାକୁ ପରାମର୍ଶ ଦେଇଛନ୍ତି। ଏହି ଆପ ମାଧ୍ୟମରେ ମନ୍ତ୍ରୀମାନେ ବିଦେଶୀ ପ୍ରତିନିଧୀଙ୍କ ସହ ନିରବଚ୍ଛିନ୍ନ ଭାବରେ ଯୋଗାଯୋଗ କରିପାରିବେ। ବାସ୍ତବରେ, ନୂଆଦିଲ୍ଲୀରେ ହେବାକୁ ଥିବା ଗୁରୁତ୍ୱପୂର୍ଣ୍ଣ ଜି -୨୦ ଶିଖର ସମ୍ମିଳନୀ ପୂର୍ବରୁ ମୋଦି ମନ୍ତ୍ରୀ ପରିଷଦ ବୈଠକ ସହ ଯୋଗାଯୋଗ କରିଥିଲେ ଯେଉଁଥିରେ ସେ ସମସ୍ତ ମନ୍ତ୍ରୀଙ୍କୁ ଏହି ଆପକୁ ଡାଉନଲୋଡ କରିବାକୁ ପରାମର୍ଶ ଦେଇଥିଲେ।
