ନୂଆଦିଲ୍ଲୀ,୧୯ ।୧: ଅଧାର କ୍ୟାନସର ଇନଷ୍ଟିଚ୍ୟୁଟର ବରିଷ୍ଠ ଅଙ୍କୋଲୋଜିଷ୍ଟ ଡାକ୍ତର ଭି.ସାନ୍ତାଙ୍କର ମଙ୍ଗଳବାର ସକାଳେ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ ୯୩ ବର୍ଷ ହୋଇଥିଲା । ୨୦୦୫ରେ ସେ ‘ରମନ ମ୍ୟାଗସେସେ ପୁରସ୍କାର’ରେ ସମ୍ମାନୀତ ହୋଇଥିଲେ । ଆହୁରି ମଧ୍ୟ ଭାରତ ସରକାର ୨୦୧୫ରେ ତାଙ୍କୁ ପଦ୍ମବିଭୂଷଣ ସମ୍ମାନରେ ସମ୍ମାନୀତ କରିଥିଲେ । ନୋବେଲ ବିଜେତା ବୈଜ୍ଞାନିକ ଏସ୍ ଚନ୍ଦ୍ରଶେଖର ତାଙ୍କର ମାମୁଁ ହୋଇଥିବା ବେଳେ ନୋବେଲ ବିଜେତା ସି.ଭି. ରମଣ ତାଙ୍କ ଜେଜେଙ୍କ ଭାଇଥିଲେ । ସାନ୍ତାଙ୍କ ପରଲୋକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକ ପ୍ରକାଶ କରିଛନ୍ତି । ସୂଚନାଯେଗ୍ୟ, ସୋମବାର ରାତି ପ୍ରାୟ ୯ଟା ସମୟରେ ସେ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ପୂର୍ବରୁ ମଧ୍ୟ ବାର୍ଦ୍ଧକ୍ୟ କାରଣରୁ ସେ ଅସୁସ୍ଥ ଥିଲେ । ମଙ୍ଗଳବାର ଭୋର ପ୍ରାୟ ୩.୫୫ରେ ସେ ଶେଷ ନିଶ୍ୱାସ ତ୍ୟାଗ କିରିଥିଲେ ।
