ଏଥେନ୍ସ,୨୫।୮: ବ୍ରିକ୍ସ ସମ୍ମିଳନୀ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଦିନିଆ ଗସ୍ତରେ ଗ୍ରୀସରେ ପହଞ୍ଚିଛନ୍ତି। ଏହି ସମୟରେ ଗ୍ରୀସର ଭାରତୀୟ ସମ୍ପ୍ରଦାୟ ପ୍ରଧାନମନ୍ତ୍ରୀଙ୍କୁ ସ୍ବାଗତ କରିଛନ୍ତି।
ପ୍ରଧାନମନ୍ତ୍ରୀ ମୋଦି ହୋଟେଲ ଗ୍ରାଣ୍ଡେ ବ୍ରେଟାଗେନରେ ପହଞ୍ଚିବା ପରେ ଭାରତୀୟ ସମ୍ପ୍ରଦାୟ ‘ଭାରତ ମାତା କି ଜୟ’, ମୋଦି, ମୋଦି ସ୍ଲୋଗାନ ଦେଇ ସ୍ବାଗତ କରିଛନ୍ତି।
ଏଥେନ୍ସ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିବା ପରେ ପ୍ରଧାନମନ୍ତ୍ରୀ ମୋଦି ଏଥେନ୍ସସ୍ଥିତ ହୋଟେଲ ଗ୍ରାଣ୍ଡେ ବ୍ରେଟାଗେନରେ ପହଞ୍ଚିଛନ୍ତି, ଯେଉଁଠାରେ ଭାରତୀୟ ସମ୍ପ୍ରଦାୟ ହାତରେ ତ୍ରିରଙ୍ଗା ଧରି ଅପେକ୍ଷା କରିଥିଲେ। ଭାରତୀୟ ସମ୍ପ୍ରଦାୟର ଲୋକମାନେ ଡ଼୍ରମ ବଜାଇ ପିଏମ ମୋଦୀଙ୍କୁ ସ୍ବାଗତ କରିଛନ୍ତି ଏବଂ ସେମାନଙ୍କର ମଧ୍ୟରେ ଉତ୍ସାହ ଦେଖାଯାଇଥିଲା।