ଆଜି ନିର୍ବାଚନ ହେଲେ ବଢ଼ିଯିବ କଂଗ୍ରେସ ଆସନ; ଜାଣନ୍ତୁ କେଉଁଠି ପହଞ୍ଚିଲା ଭାଜପା
10 ନୂଆଦିଲ୍ଲୀ,୨୨ା୮: ଦେଶରେ ସାଧାରଣ ନିର୍ବାଚନ ସରିବାର ଦୁଇ ମାସ ପରେ ଜାତୀୟ ଗଣମାଧ୍ୟମ ସଂସ୍ଥା ଆଜ୍ ତକ୍ ପକ୍ଷରୁ କରାଯାଇଥିବା ‘ମୁଡ ଅଫ ଦି ନେଶନ’ ସର୍ଭ ଅନୁଯାୟୀ କେଉଁ ଦଳ କେତେ ଭୋଟ ପାଇବ ସେ ନେଇ ନୂଆ ତଥ୍ୟ ସାମ୍ନାକୁ ଆସିଛି। ଏହି ରିପୋର୍ଟରେ ଦେଖିବାକୁ ମିଳିଛି ଯେ, ଏନଡିଏକୁ ୪୪ ପ୍ରତିଶତ, ଇଣ୍ଡିଆ ବ୍ଲକ୍ କୁ ୪୦ ପ୍ରତିଶତ ଏବଂ ଅନ୍ୟମାନଙ୍କୁ ୧୬ ପ୍ରତିଶତ ଭୋଟ ମିଳିପାରେ। ସେହିପରି ଆସନ କଥା ଦେଖିଲେ ଏନଡିଏକୁ ୨୯୯, ଇଣ୍ଡିଆ ବ୍ଲକ୍ କୁ ୨୩୩ ଆସନ ଏବଂ ଅନ୍ୟମାନଙ୍କୁ ୧୧ ଆସନ ମିଳିବ।
ଆଜି ସାଧାରଣ ନିର୍ବାଚନ ଅନୁଷ୍ଠିତ ହେଲେ ଭାଜପା ୩୮ ପ୍ରତିଶତ ଭୋଟ୍ ପାଇବ ବୋଲି ଆଶା କରାଯାଉଛି, କଂଗ୍ରେସ ୨୫ ପ୍ରତିଶତ ଭୋଟ୍ ପାଇବ ଏବଂ ଅନ୍ୟମାନେ ୩୭ ପ୍ରତିଶତ ଭୋଟ୍ ପାଇବେ ବୋଲି ଆଶା କରାଯାଉଛି। ସର୍ଭେ ଅନୁଯାୟୀ ଦଳଗତ ଆସନ ବିଷୟରେ କହିଲେ ଭାଜପା ୨୪୪ ଟି ଆସନ, କଂଗ୍ରେସ ୧୦୬ ଟି ଆସନ ଏବଂ ଅନ୍ୟାନ୍ୟ ୧୯୩ ଟି ସିଟ୍ ପାଇବ ବୋଲି ଆଶା କରାଯାଉଛି।
ଚଳିତ ବର୍ଷ ଅନୁଷ୍ଠିତ ଲୋକ ସଭା ନିର୍ବାଚନର ଫଳାଫଳ ଅଢେଇ ମାସ ପୂର୍ବେ ଅର୍ଥାତ୍ ଜୁନ୍ ୪ ରେ ଆସିଥିଲା। ଏଥିରେ ଭାଜପା ସର୍ବବୃହତ ଦଳ ଭାବେ ଉଭା ହୋଇଥିଲା, ଲୋକସଭା ନିର୍ବାଚନରେ ଭାଜପା ୨୪୦ ଟି ଆସନ ପାଇଥିବାବେଳେ କଂଗ୍ରେସ ୯୯ ଟି ଆସନ ପାଇଥିଲା (ଯଦିଓ ରାହୁଲ ଗାନ୍ଧୀ ୨ ଟି ଆସନରେ ଜିତିଥିଲେ, ପରେ ସେ ୱାୟନାଡ ଆସନ ଛାଡିଥିଲେ)। ୨୯୩ ଟି ସିଟ୍ ଇଣ୍ଡିଆ ବ୍ଲକ୍ ଖଟରେ ଥିବାବେଳେ ୨୩୪ ଟି ସିଟ୍ ଇଣ୍ଡିଆ ବ୍ଲକ୍ ଆକାଉଣ୍ଟରେ ଥିଲା। ବର୍ତ୍ତମାନ ଏହି ସର୍ଭେରେ, ଏନଡିଏର ୬ ଟି ସିଟ୍ ବୃଦ୍ଧି ପାଇଥିବା ବେଳେ ଇଣ୍ଡିଆ ବ୍ଲକର ଗୋଟିଏ ସିଟ୍ ହ୍ରାସ ପାଉଥିବା ଦେଖାଯାଉଛି।