ଛପରା,୧ ।୧୧: ବିହାର ବିଧାନସଭା ପାଇଁ ମଙ୍ଗଳବାର ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ହେବାକୁ ଯାଉଛି । ଏହାକୁ ନଜରରେ ରଖି ସବୁ ଦଳ ପ୍ରଚାର କାର୍ଯ୍ୟରେ ଲାଗି ପଡିଛନ୍ତି । ରବିବାର ଭାରତୀୟ ଜନତା ପାର୍ଟି(ଭାଜପା)ର ଷ୍ଟାର ପ୍ରଚାରକ ନରେନ୍ଦ୍ର ମୋଦି ବିହାର ରାଷ୍ଟ୍ରୀୟ ଜନତା ଦଳ(ଆର୍ଜେଡି) ଅଧ୍ୟକ୍ଷ ତଥା ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ଗଡ କୁହାଯାଉଥିବା ଛପରାରେ ଏକ ନିର୍ବାଚନ ରାଲିରେ ଉଦ୍ବୋଧନ ଦେଇଛନ୍ତି । ଏହି ସମୟରେ ସେ ବିରୋଧିଙ୍କୁ ଟାର୍ଗେଟ କରିଥିବା ବେଳେ ବିହାର ମହିଳାଙ୍କ ଉଦ୍ଦେଶ୍ୟରେ ଯାହା କହିଛନ୍ତି ତାହା ଏବେ ଚର୍ଚ୍ଚାର ବିଷୟ ପାଲଟିଛି । ମୋଦି କହିଛନ୍ତି ଛଟ ପୁଜା ପାଇଁ ପ୍ର୍ସ୍ତୁତ କର ମା’ ଦିଲ୍ଲୀରେ ଆପଣଙ୍କ ପୁଅ ବସିଛି । ମୋଦି ଘୋଷଣା କରିଥିଲେ କି ଛଟ ପୂଜା ପର୍ଯ୍ୟନ୍ତ ଗରିବଙ୍କୁ ମାଗଣାରେ ରାଶନ ଯୋଗାଇ ଦିଆଯିବ । ମୋଦି କହିଥିଲେ କରୋନା ମହାମାରିୀ ଏମିତି କୌଣସି ବ୍ୟକ୍ତିଙ୍କୁ ବାଦ୍ ଦେଇନାହିଁ ଯାହାଦ୍ୱାରା ସେ ପ୍ରଭାବିତ ହୋଇ ନାହାଁନ୍ତି । ତେବେ ଗରିବଙ୍କୁ ମାଗଣା ରାଶନ ଯୋଗାଇ ଦେବାକୁ ଘୋଷଣା କରିଥିବା ମୋଦି ସରକାର ବିହାରର ଗରିବ ମହିଳାଙ୍କୁ ମଧ୍ୟ ଯୋଗାଇ ଦେଇଛି । ତେଣୁ ବିହାରର ମା’ ଏବେ ଆଉ ଭୋକିଲା ନାହିଁ । ଏବେ ସେ ଛଟ ପୂଜା ପାଇଁ ପ୍ରସ୍ତୁତ ହେବା ଦରକାର କାରଣ ଦିଲ୍ଲୀରେ ତାଙ୍କ ପୁଅ ବସିଛି ବୋଲି ମୋଦି କହିଛନ୍ତି । ଯିଏ ବିହାରବାସୀଙ୍କ ସମସ୍ୟାର ସମାଧାନ କରିବ । ଏବେ ଗଙ୍ଗା କୂଳରେ ଛଟ ପୂଜା ପାଇଁ ଭିଡ ଲାଗୁଥିବା ବେଳେ ସମସ୍ତେ ସ୍ୱଚ୍ଛ ଗଙ୍ଗାଜଳ ପାଉଛନ୍ତି ବୋଲି ମୋଦି କହିଛନ୍ତି । ଯାହା ତାଙ୍କ ସରକାରଙ୍କ ପ୍ରୟାସ ।
