ରାଞ୍ଚି,୧୨।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଝାଡ଼ଖଣ୍ଡ ଗସ୍ତ କରିଛନ୍ତି। ଦେଓଘର ପହଞ୍ଚିବା ପରେ ସେଠାରେ ପ୍ରଧାନମନ୍ତ୍ରୀ ମୋଦି ବିମାନବନ୍ଦର ଓ ଅନ୍ୟ ବିକାଶମୂଳକ ଯୋଜନାଗୁଡ଼ିକୁ ଉଦ୍ଘାଟନ କରିଛନ୍ତି। ଏଥିସହ ୧୬ହଜାର ୮ଶହ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ କରିଛନ୍ତି। ଏହି ସମୟରେ ତାଙ୍କ ସହ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଓ ରାଜ୍ୟପାଳ ରମେଶ ବେଶ ମଧ୍ୟ ଉପସ୍ଥିତ ଥିଲେ। ଏତଦ୍ବ୍ୟତୀତ ମୋଦି ୧୦କିଲୋମିଟର ରୋଡ ଶୋ’ କରି ବୈଦନାଥ ଧାମ ଆଡ଼କୁ ଅଗ୍ରସର ହୋଇଛନ୍ତି। ସେଠାରେ ସେ ଗର୍ଭଗୃହର ପୂଜାଚ୍ଚର୍ନା କରିବେ। ରୋଡ ଶୋ’ ସମୟରେ ମୋଦି ଗାଡ଼ି ଭିତରୁ ଲୋକଙ୍କୁ ଅଭିବାଦନ କରିଥିଲେ। ଅନ୍ୟପଟେ ତାଙ୍କୁ ଦେଖିବା ପାଇଁ ଶତାଧିକ ଲୋକଙ୍କ ଭିଡ଼ ଜମିଛି। ସନ୍ଧ୍ୟାରେ ମୋଦି ବିହାର ଗସ୍ତ କରିବେ। ସେଠାରେ ସେ ବିହାର ବିଧାନସଭା ଶତାବ୍ଦୀ ସମାରୋହ କାର୍ଯ୍ୟକ୍ରମରେ ସାମିଲ ହେବେ ବୋଲି ସୂଚନା ରହିଛି।