ନୂଆଦିଲ୍ଲୀ,୨୪ ।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଭିଡିଓ କନଫରେନ୍ସିଂ ଯୋଗେ ଗୁଜରାଟରେ ୩ଟି ପରିଯୋଜନାର ଉଦ୍ଘାଟନ କରିଛନ୍ତି । ମୋଦି ଗୁଜରାଟର କୃଷକମାନଙ୍କ ପାଇଁ କିଷାନ ସୂର୍ଯ୍ୟୋଦୟ ଯୋଜନାର ଶୁଭାରମ୍ଭ କରିଛନ୍ତି । ଏଥିରେ କୃଷକମାନଙ୍କୁ ଦିନ ସମୟରେ ବିଜୁଳି ଯୋଗାଇ ଦିଆଯିବ ଯାହା ଫଳରେ ସେମାନେ କ୍ଷେତରେ ପାଣି ମଡାଇବା ଭଳି କାମ କରିପାରିବେ । ଭୋର ୫ଟାରୁ ରାତି ୯ଟା ପର୍ଯ୍ୟନ୍ତ ଏହା ଯୋଗାଇ ଦିଆଯିବ । କିଛିଦିନ ପୂର୍ବେ ମୁଖ୍ୟମନ୍ତ୍ରୀ ବିଜୟ ରୂପାନିଙ୍କ ସରକାର ଏହି କିଷାନ ସୂର୍ଯ୍ୟୋଦୟ ଯୋଜନା ଘୋଷଣା କରିଥିଲେ । ଏଥିପାଇଁ ୩ହଜାର ୫ଶହ କୋଟି ଟଙ୍କାର ବ୍ୟୟ ବରାଦ କରାଯାଇଥିଲା । ଏହା ବ୍ୟତୀତ ଜୁନାଗଡ ଜିଲାରେ ଗିରନାର ରୋପ ୱେ ଓ ଅହମଦାବାଦ ସ୍ଥିତ ୟୁଏନ୍ ମେହେତା ଇନଷ୍ଟିଚ୍ୟୁଟ ଅଫ୍ କାଡିଓଲୋଜି ଆଣ୍ଡ ରିସର୍ଚ୍ଚ ସେଣ୍ଟରରେ ଥିବା ପେଡିଆଟ୍ରିକ୍ ହାର୍ଟ ହସ୍ପିଟାଲର ଉଦ୍ଘାଟନ କରିଛନ୍ତି । ଏହି ଅବସରରେ ସେ ଅହମଦାବାଦ ସଦର ହସ୍ପିଟାଲରେ ଟେଲି-କାର୍ଡିଓଲୋଜି ପାଇଁ ମୋବାଇଲ ଆପ୍ଲିକେଶନ ସୁବିଧାର ମଧ୍ୟ ଉଦ୍ଘାଟନ କରିଛନ୍ତି ।
