ସିଡନୀ,୨୪।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଷ୍ଟ୍ରେଲିଆ ଗସ୍ତରେ ଅଛନ୍ତି। ଏହି ସମୟରେ ସେ କ୍ରିକେଟ ଡିପ୍ଲୋମାସି ଜରିଆରେ ଦୁଇ ଦେଶ ମଧ୍ୟରେ ସମ୍ପର୍କକୁ ଆହୁରି ମଜଭୁତ କରିବାକୁ ଚେଷ୍ଟା କରିଛନ୍ତି। ପ୍ରଧାନମନ୍ତ୍ରୀ ମୋଦି ତାଙ୍କ ଅଷ୍ଟ୍ରେଲିଆ ସମକକ୍ଷ ଏନ୍ଥୋନି ଏଲବିନିଜଙ୍କୁ କ୍ରିକେଟ ବିଶ୍ୱକପ ଓ ଦିପାବଳୀ ସମାରୋହ ଦେଖିବାକୁ ଭାରତ ଆସିବା ଲାଗି ନିମନ୍ତ୍ରଣ କରିଛନ୍ତି। ଚଳିତ ବର୍ଷ ଅକ୍ଟୋବର-ନଭେମ୍ବରରେ ଭାରତ କ୍ରିକେଟ ବିଶ୍ୱକପର ଆୟୋଜନ କରିବ। ଏହାସହ ନଭେମ୍ବର ୧୨ରେ ଦିପାବଳୀ ପର୍ବ ପାଳନ କରାଯିବ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୩ ଦିନିଆ ବିଦେଶ ଗସ୍ତରେ ଏବେ ଅଷ୍ଟ୍ରେଲିଆରେ ରହିଛନ୍ତି। ବୁଧବାର ଉଭୟ ନେତା ଏକ ମିଳିତ ପ୍ରେସ କନଫରେନ୍ସରେ ସମ୍ବୋଧନ ଦେଇଥିଲେ। ଏହି ସମୟରେ ମୋଦି ଅଲବନିଜଙ୍କୁ ଭାରତ ଆସିବାକୁ ନିମନ୍ତ୍ରଣ ଦେଇଥିଲେ।
