ନୂଆଦିଲ୍ଲୀ,୧।୮: ପୁଣେରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଙ୍ଗଳବାର ଲୋକମାନ୍ୟ ତିଳକ ପୁରସ୍କାରରେ ସମ୍ମାନିତ କରାଯାଇଛି। ପିଏମ ମୋଦି ଏହାକୁ ଏକ ଅବିସ୍ମରଣୀୟ ମୁହୂର୍ତ୍ତ ବୋଲି କହିଛନ୍ତି। ସେ କହିଛନ୍ତି ମୁଁ ୧୪୦ ଲକ୍ଷ ଦେଶବାସୀଙ୍କୁ ଲୋକମାନ୍ୟ ତିଳକ ପୁରସ୍କାର ଉତ୍ସର୍ଗ କରୁଛି। ଏହା ସହିତ ପ୍ରଧାନମନ୍ତ୍ରୀ ମୋଦି ପୁରସ୍କାର ସହିତ ମିଳିଥିବା ରାଶି ନମାମି ଗଙ୍ଗେ ପ୍ରକଳ୍ପକୁ ଦାନ କରିବାକୁ ଘୋଷଣା କରିଛନ୍ତି।
ପ୍ରଧାନମନ୍ତ୍ରୀ ମୋଦି କହିଛନ୍ତି, ଆଜିର ଦିନ ମୋ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ମୁଁ ଏଠାକୁ ଆସିବା ପରେ ଯେତିକି ଉତ୍ସାହିତ, ସେତିକି ଭାବପ୍ରବଣ ଅଟେ। କିଛି ସମୟ ପୂର୍ବରୁ ମୁଁ ମନ୍ଦିରରେ ଗଣପତି ଜୀଙ୍କର ଆଶୀର୍ବାଦ ମଧ୍ୟ ନେଇଥିଲି। ଲୋକମାନ୍ୟ ତିଳକ ପୁରସ୍କାର ପାଇବା ଏକ ଗୌରବର ବିଷୟ।