ନୂଆଦିଲ୍ଲୀ,୧।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର (ଅକ୍ଟୋବର ୨) ରେ ରାଜସ୍ଥାନ ଏବଂ ମଧ୍ୟପ୍ରଦେଶ ଗସ୍ତ କରିବେ। ଏହି ଅବଧି ମଧ୍ୟରେ ପ୍ରଧାନମନ୍ତ୍ରୀ ଉଭୟ ରାଜ୍ୟରେ ଅନେକ ବିକାଶମୂଳକ ପ୍ରକଳ୍ପର ଶୁଭାରମ୍ଭ କରିବେ। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) କହିଛି ଯେ ରାଜସ୍ଥାନରେ ପ୍ରାୟ ୭,୦୦୦ କୋଟି ଟଙ୍କା ଏବଂ ମଧ୍ୟପ୍ରଦେଶରେ ପ୍ରାୟ ୧୯,୨୬୦ କୋଟି ଟଙ୍କା ମୂଲ୍ୟର ବିକାଶ ପ୍ରକଳ୍ପର ମୂଳଦୁଆ ପକାଇବେ।
ପ୍ରଧାନମନ୍ତ୍ରୀ ରାଜସ୍ଥାନର ଚିତ୍ତରଗଡ ଗସ୍ତ ସମୟରେ ୪୫୦୦ କୋଟି ଟଙ୍କା ବ୍ୟୟରେ ନିର୍ମିତ ମେହସାନା-ଭଠିଣ୍ଡା-ଗୁରୁଦାସପୁର ଗ୍ୟାସ ପାଇପଲାଇନର ଉଦଘାଟନ କରିବେ ବୋଲି ପ୍ରଧାନମନ୍ତ୍ରୀ କହିଛନ୍ତି, ଯାହା ୪୫୦୦ କୋଟି ଟଙ୍କା ବ୍ୟୟରେ ନିର୍ମାଣ କରାଯାଇଛି। ଆବୁ ରୋଡରେ ହିନ୍ଦୁସ୍ତାନ ପେଟ୍ରୋଲିୟମ କର୍ପୋରେଶନ ଲିମିଟେଡ(ଏଚପିସିଏଲ) ଏଲପିଜି ୟୁନିଟର ମଧ୍ୟ ଉଦଘାଟନ କରିବେ।ଏହି କାରଖାନା ବର୍ଷକୁ ୮୬ଲକ୍ଷ ସିଲିଣ୍ଡର ବଣ୍ଟନ କରିବ। ଏହା କାର୍ବନ ନିର୍ଗମନକୁ ବର୍ଷକୁ ପ୍ରାୟ ୦.୫ ନିୟୁତ ଟନ ହ୍ରାସ କରିବାରେ ସାହାଯ୍ୟ କରିବ।