ନୂଆଦିଲ୍ଲୀ,୨ ।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିକଟରେ ଏକ ମାଗାଜିନକୁ ଦେଇଥିବା ସାକ୍ଷାତ୍କାରରେ କହିଛନ୍ତି, ମୋତେ ଆଲୋଚନା ପସନ୍ଦ । ହେଲେ ଦୁର୍ଭାଗ୍ୟ ଯେ ଆଲୋଚନା କରୁଥିବା ଲୋକଙ୍କ ସଂଖ୍ୟା ବହୁତ କମ୍ । ଲୋକେ ବହୁତ ଶୀଘ୍ର ଅଭିଯୋଗ ଆଣିଥାଆନ୍ତି, ଏମିତି ସମୟରେ ତ ମୁଁ ଆଲୋଚନା କରୁଥିବା ଲୋକଙ୍କୁ ବହୁତ ମିସ୍ କରିଥାଏ । ମୋଦି କହିଛନ୍ତି ଆଲୋଚନା ଓ ଅଭିଯୋଗ ମଧ୍ୟରେ ବହୁତ ବଡ ପାର୍ଥକ୍ୟ ରହିଛି । ଅଭିଯୋଗ ସେହିମାନେ କରନ୍ତି ଯାହାଙ୍କ ନିକଟରେ କୌଣସି ବିଷୟକୁ ନେଇ ଖୁବ୍ କମ୍ ତଥ୍ୟ ଥାଏ । ହେଲେ ଆଲୋଚନା କରିବା ପାଇଁ ଅଧ୍ୟୟନ ଓ ଗବେଷଣା କରିବାକୁ ପଡିଥାଏ । ଏଥିପାଇଁ ଅଧିକ ପରିଶ୍ରମ କରିବାକୁ ପଡେ । ସେ କହିଛନ୍ତି ଆମ ସରକାର ଅନୁସନ୍ଧାନକୁ ପ୍ରାଥମିକତା ଦେଇଛି । ସେ ଏକ ବିଜ୍ଞାନ ସମ୍ମିଳନୀକୁ ମନେପକାଇ କହିଛନ୍ତି ଆମେ ଜୟ ଯବାନ, ଜୟ କିଷାନ, ଜୟ ବିଜ୍ଞାନଠାରୁ ଆଗକୁ ଯାଇ ଜୟ ଅନୁସନ୍ଧାନ ଉପରେ ଗୁରୁତ୍ୱ ଦେଇଛୁ । କାରଣ ଭାରତ ଏବେ ଆତ୍ମନିର୍ଭରଶୀଳ ହୋଇଛି ଆଉ ବିଶ୍ୱର ସବୁଠାରୁ ବଡ ଟିକାକରଣ ଅଭିଯାନ ଆମେ ଚଳାଇଛୁ । ଦେଶରେ ଭ୍ୟାକ୍ସିନେଶନର ଶ୍ରେୟ ମୋଦି ଜନତାଙ୍କୁ ଦେଇଛନ୍ତି । ଏତେବଡ ଅଭିଯାନ ଚଳାଇବା ପଛରେ ଟେକନିକର ବଡ ଭୂମିକା ରହିଛି । ଏବେ ଭାରତ ଆତ୍ମନିର୍ଭରଶୀଳ ହୋଇଥିବା ବେଳେ ନିଜ ପାଖରେ ନିଜର ଟିକା ରଖିଛି । ଏହା କିଛି କମବଡ ଅନୁଭବ ନୁହେଁ । ଏମିତିବି କିଛି ଦେଶ ଅଛି ସେଠାରେ ଏବେ ପର୍ଯ୍ୟନ୍ତ ଭ୍ୟାକ୍ସିନ ନାହିଁ । ମୋଦି କହିଛନ୍ତି ଭାବିଲେ ଦେଖି ଆମର ଯଦି ଭ୍ୟାକ୍ସିନ ନ ଥାଆନ୍ତା ତେବେ ପରିସ୍ଥିତି କ’ଣ ହୋଇ ଥାଆନ୍ତା ।
