ନୂଆଦିଲ୍ଲୀ,୨୦।୧: ଶନିବାର ତିରୁଚିରାପଲ୍ଲୀରେ ତାମିଲନାଡୁର ରଙ୍ଗନାଥସ୍ୱାମୀ ମନ୍ଦିର ପରିଦର୍ଶନ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ହାତୀଠାରୁ ଆଶୀର୍ବାଦ ଲୋଡିଛନ୍ତି। ହାତୀର ପ୍ରଧାନମନ୍ତ୍ରୀଙ୍କୁ ତାର ଶୁଣ୍ଢରେ ଆଶୀର୍ବାଦ ଦେଉଥିବା ଏକ ଫଟୋ ଇଣ୍ଟରନେଟରେ ଭାଇରାଲ ହେଉଛି।
ପ୍ରଧାନମନ୍ତ୍ରୀ ମୋଦି ଏକ ଧଳା ରଙ୍ଗର ଧୋତି ପାରମ୍ପରିକ ତାମିଲ ବେଶ ପୋଷାକରେ ଭଗବାନ ବିଷ୍ଣୁ ମନ୍ଦିରରେ ପ୍ରାର୍ଥନା କରିଥିଲେ। ଏହାପରେ ମନ୍ଦିରରେ ଥିବା ହାତୀକୁ ଖାଇବାକୁ ଦେବା ସହ ଆଶୀର୍ବାଦ ନେଇଥିଲେ।
ରଙ୍ଗନାଥସ୍ୱାମୀଙ୍କୁ ପ୍ରାର୍ଥନା ପରେ ମନ୍ଦିର ପୁରୋହିତମାନେ ‘ସଦାରୀ’ (ମୁକୁଟ, ଭଗବାନ ବିଷ୍ଣୁଙ୍କ ଆଶୀର୍ବାଦର ପ୍ରତୀକ) ରେ ଆଶୀର୍ବାଦ ସ୍ୱରୂଅ ପ୍ରଧାନମନ୍ତ୍ରୀଙ୍କୁ ପ୍ରଦାନ କରିଥିଲେ।
ଶ୍ରୀରଙ୍ଗମ୍ ମନ୍ଦିର ଏକ ଦ୍ୱୀପରେ, କାବେରୀ ଏବଂ କୋଲିଡାମ ନଦୀଗୁଡ଼ିକର ମିଳନ ସ୍ଥଳରେ ଅବସ୍ଥିତ। ପ୍ରାରମ୍ଭ ଏବଂ ପରବର୍ତ୍ତୀ ଚୋଳ, ପାଣ୍ଡ୍ୟ, ହୋୟସାଳ ଏବଂ ବିଜୟନାଗର ସାମ୍ରାଜ୍ୟ ଏହି ମହାନ ମନ୍ଦିର ନିର୍ମାଣ କରିଛନ୍ତି।
ପ୍ରଧାନମନ୍ତ୍ରୀ ମୋଦୀଙ୍କ ଆଗମନକୁ ନେଇ ମନ୍ଦିରର ମୁଖ୍ୟ ପୁରୋହିତ ସୁନ୍ଦର ଭଟ୍ଟ ଖୁସି ବ୍ୟକ୍ତ କରିଛନ୍ତି। ସେ କହିଛନ୍ତି, ‘ରଙ୍ଗନାଥସ୍ୱାମୀ ମନ୍ଦିରରେ ପ୍ରଧାନମନ୍ତ୍ରୀ ମୋଦିଙ୍କ ଆଗମନରେ ସମସ୍ତ ଭକ୍ତ ବହୁତ ଖୁସି ଅଛନ୍ତି। ପ୍ରଧାନମନ୍ତ୍ରୀ ମୋଦିଙ୍କ ଆଗମନରେ ଭଗବାନ ରଙ୍ଗନାଥସ୍ୱାମୀ ମଧ୍ୟ ଖୁସି ଅଛନ୍ତି। ଆମର ପ୍ରଧାନମନ୍ତ୍ରୀ ସମସ୍ତଙ୍କ କଲ୍ୟାଣ ପାଇଁ ଚିନ୍ତା କରନ୍ତି ଏବଂ ରଙ୍ଗନାଥ ମଧ୍ୟ ସମସ୍ତଙ୍କ କଲ୍ୟାଣ ବିଷୟରେ ଚିନ୍ତା କରନ୍ତି। ତେଣୁ ଏହା ଶ୍ରୀରଙ୍ଗମଙ୍କ ପାଇଁ ଏକ ଆଶୀର୍ବାଦ ସୁଯୋଗ ଅଟେ। ଏହାପୂର୍ବରୁ କୌଣସି ପ୍ରଧାନମନ୍ତ୍ରୀ ଶ୍ରୀରଙ୍ଗମରେ ପାଦ ରଖି ନଥିଲେ। ପ୍ରଥମ ଥର ପାଇଁ ଜଣେ ପ୍ରଧାନମନ୍ତ୍ରୀ ଏଠାକୁ ଆସିଛନ୍ତି। ତାଙ୍କୁ ଏଠାରେ ପାଇ ଆମେ ଗର୍ବିତ।